Investısııalar jáne damý vıse-mınıstri R.Sklıardiń málimetterine súıensek, aıtýly sharany tamashalaýǵa elimizdiń óńirlerinen 1,8 mln-nan astam adam keledi dep boljanǵan. Elordaǵa temir jol kóligimen 1,1 mln-ǵa jýyq qazaqstandyq keledi. Shamamen 161 myń adam áýe kóligimen, turaqty avtobýs reısterimen 350 myńnan astam qonaq kelýi tıis. Al jeke avtokólikpen 200 myńǵa jýyq kisi kelmek.
Vıse-mınıstrdiń aıtýynsha, aldaǵy ýaqytta jolaýshylardy qarsy alý úshin jańa temir jol vokzaly, áýejaıdyń jańa termınaly men eki avtovokzal ashylady. Kórme qonaqtarynyń basym bóligi temir jolmen keledi. Sol sebepti maýsym aıyna deıin marshrýttar 44-ten 58-ge deıin ulǵaıady. Ol úshin qosymsha 14 jolaýshylar poıyzy iske qosylady. Sonyń ishinde «Tulpar-Talgo» vagondarynan quralǵan tórt poıyz bar. Budan bólek, qazirgi poıyzdarǵa qosymsha 150 vagon tirkeledi.
«Osylaısha, eki temir jol vokzaly kún saıyn 47 myń jolaýshyny qabyldaı alady», dep atap ótti Roman Sklıar. Sondaı-aq, EKSPO kórmesi kezinde avtobýstardyń sany da eki esege artatynyn jetkizdi.
«Jalpy, Astanaǵa táýlik saıyn shamamen 20 myń adam keledi dep kútilýde. EKSPO-2017 kezinde jolaýshylardy úzdiksiz tasymaldaý úshin Astanada eki jańa avtobeket ashylady, onda táýlik saıyn elimizdiń óńirlerinen 400-ge deıin avtobýs keledi», dedi R.Sklıar. Aldyn ala esepteý boıynsha, EKSPO-2017 kezinde oblystardan Astanaǵa avtobýstarmen 472 myńnan astam adam nemese táýligine 5 myńnan astam meıman kelýi múmkin.
Aıtqandaı, «Saparjaı Astana» avtovokzaly aǵymdaǵy reısterge qyzmet kórsetedi, sondyqtan elordanyń turǵyndary men qonaqtary úshin daǵdyly baǵdarlar ózgerissiz qalmaq. Al qosymsha ashylǵan reısterge jańa avtobeketterde qyzmet kórsetiledi. Máselen, aǵymdaǵy jyldyń 1 maýsymynan bastap «Alaı» avtobeketi jumys jasaı bastaıdy, onda soltústik jáne batys óńirlerden – Kókshetaý, Petropavl, Qostanaı, Pavlodar, Taldyqorǵan, Oral, Aqtóbe, О́skemennen keletin qosymsha ashylǵan reısterge qyzmet kórsetiledi.
Ekinshi avtobeket «Keń mart» – ońtústik jáne ortalyq óńirlerden, ıaǵnı Almaty, Shymkent, Taraz, Qyzylorda, Qaraǵandydan kúnine 34 reıs qabyldaıdy.
Qazirgi tańda avtotasymaldardy uıymdastyrý jumysyn jedel retteý maqsatynda Investısııalar jáne damý mınıstrliginiń Kólik komıteti memlekettik nómirleri, ıeleri, syıymdylyǵy jáne shyǵarylǵan jyly kórsetilgen avtobýstar tizimin jasap jatyr eken.
R.Sklıar jalpy Astanadaǵy EKSPO-2017 halyqaralyq kórmesi kezinde kólik keptelegi bolmaýy tıistigin, alaıda qandaı da bir qolaısyz jaǵdaılar bolyp qalyp jatsa, astanalyqtar shydamdylyq tanytýy kerektigin eske saldy. «Esterińizde bolsa, Turan dańǵyly bolmaǵanda bárimiz áýejaıǵa Qabanbaı batyr dańǵylymen baryp júrdik. Qazir Turan da bar, Máńgilik Elmen de áýejaıǵa jetýge bolady. Qabanbaı batyrdyń qozǵalysy biraz jeńildenip qaldy. Sondyqtan Astananyń kólik keshenin damytý sharalary oıdaǵydaı atqarylyp jatyr deýge bolady. EKSPO-ǵa deıin qala kósheleri tap-tuınaqtaı bolýy qajet.
Árıne, qalada turyp jatqan adamdar úshin biraz qolaısyzdyqtar bolýy ábden múmkin. Degenmen, odan da tózý kerek. Endi oǵan úıge qonaq kelgendeı qaraý qajet dep oılaımyn. Úsh bólmeli úıdiń eki bólmesine qonaqtar jaıǵasqanda qalaı júremiz, týra solaı ýaqytsha shydaı turýǵa týra keledi. Oǵan túsinistikpen qaraıyq», dedi Sklıar.
Dınara BITIKOVA,
«Egemen Qazaqstan»
