Rýhanııat ordalaryna – ardaqtylar esimi

О́ıtkeni, Elbasymyz aıtqan­daı, «ult jadynyń tuǵyr­namasy» ótkenniń ónegesi men bolashaqtyń úılesimdi sabaq­tastyǵyn kózdeıdi. Osy turǵydan alǵanda, Qazaqstan Respýblıkasy Úkimetiniń 13 mamyrdaǵy qaý­lysy aqmolalyqtarǵa da qýanysh ala keldi.
Endigi ýaqytta Aqmola ob­lys­tyq fılarmonııasy Úkili Ybyraı esimimen atalatyn boldy. Bul rýhanııat taǵylymyndaǵy aıryqsha oqıǵa ekendigi sózsiz. Klassıkalyq halyq mýzy­ka­sy­nyń belgili ókili, ánshi, kompozıtor, sýyrypsalma aqynnyń óshpes murasy ulttyq rýhtyń jalynyn jarqyrata beretini aıqyn. Bıylǵy jyl basynda 60 jyldyǵyn atap ótken irgeli óner ordasy Úkili Ybyraı esimin aspandata jalaýlatatyny sózsiz.
Balýan Sholaq (Nurmaǵambet Baımyrzauly) – Kókshetaý, Qaraótkel óńirinde ósip, óner ustartqan halyq kompozı­tory, ataqty balýan, tanymal tulǵa retinde qasterlenedi. Osy oraıda el tilegi eskerilip, Kók­shetaýdaǵy «Ulttyq sport túr­lerinen oblystyq balalar men jasóspirimder sport mek­tebine» Balýan Sholaq esimi be­rilýi quptarlyq. Bul qurmetti 1991 jyly «Dástúr jáne óner mektebi» retinde qurylǵan bilim ordasy irgeli jetistikterimen aqtaıtynyna senimdimiz. Eń bastysy, endigi jerde án men jyrdyń ordasynda Úkili Ybyraı men Balýan Sholaq esimi Kókshetaýdyń kóshelerine, mádenıet jáne óner kolledjderine attary berilgen Aqan seri, Birjan saldarmen qatar atalyp, kóńilderdi kórkeıtip turatyny ǵanıbet.
Úkimettiń osy qaýlysymen Kókshetaý qalasyndaǵy №18 orta mektepke Qazaqstannyń halyq jazýshysy, Memlekettik syılyqtyń laýreaty, Kókshetaý qalasynyń qurmetti azamaty Sáken Júnisovtiń, Aqkól aýdanyndaǵy №3 orta mektepke jazýshy, qoǵam qaıratkeri Jaıyq Bekturovtyń esimderi berildi. Sondaı-aq, Eńbekshilder aýdanyndaǵy Sáýle orta mektebi «Shárápı Áljanov atyndaǵy orta mektep», Ereımentaý aýda­nyn­daǵy Maltabar orta mek­tebi «Perýash Kárimuly atyn­daǵy orta mektep», Qorǵal­jyn aýda­nyndaǵy Drýjba orta mektebi «Aqtan Tóleýbaev atyndaǵy orta mektep» memlekettik mekemeleri bolyp qaıta ataldy.

Baqbergen AMALBEK,
jýrnalıst
Aqmola oblysy