Osyǵan oraı jastardy memlekettik rámizderdi qurmetteý arqyly patrıottyqqa tárbıeleý, rámizderdiń ulttyq maqtanyshymyz ekenin uǵyndyrý maqsatynda «Femılı» park alańynda Almaty servıstik qyzmet kórsetý kolledji kólemdi aksııa uıymdastyrdy.
300-den asa stýdent atsalysqan shara aıasynda Áýezov aýdanynda ornalasqan jeti kolledjdiń jastary óz ónerleri arqyly memlekettik rámizderge bas ıip, qurmet bildirdi. Bas uıymdastyrýshy Almaty servıstik qyzmet kórsetý kolledjiniń dırektory Erulan Qaraǵulov sharanyń ashylý saltanatynda sóz sóılep, jastarǵa Memlekettik rámizderdiń egemendiktiń berik negizderiniń biri ekendigin, halqymyzdyń rýhyn, ulttyq salt-sanasyn, qaharmandyǵy men danalyǵyn, bolashaqqa úmitin, arman-tilegin jetkizetin erekshe qundy belgiler ekendigin aıtty.
Budan keıin stýdentter daıyndaǵan flesh-mobtar men qoıylymdarǵa kezek berildi.
Al aksııanyń ótýine qoldaý kórsetken Almaty qalasynyń Áýezov aýdandyq ákimdigi ókilderi uıymdastyrýshylar men ónerpazdarǵa rahmet aıtyp, olardy, alǵys hattar jáne baǵaly syılyqtarmen marapattady.
Almas NÚSIP,
«Egemen Qazaqstan»
ALMATY
