Bıznes forýmda QR Investısııalar jáne damý mınıstri Jeńis Qasymbek pen BAÁ Syrtqy ister jáne halyqaralyq yntymaqtastyq mınıstriniń orynbasary Mýhammed Sharaf birneshe mańyzdy resmı qujatqa qol qoıdy. Atap aıtsaq, «Atameken» QR UKP men BAÁ Kásipkerler palatasy jáne Indýstrııa federasııasynyń arasynda Qazaqstan-BAÁ Birlesken bıznes keńesin qurý boıynsha ózara túsinistik týraly memorandýmǵa, eki el arasyndaǵy ınvestısııa men bıznes múmkindikterdi kúsheıtý boıynsha ózara túsinistik týraly memorandýmǵa qol qoıyldy.
Aıta keteıik, 2017 jyldyń basynda QR Prezıdenti Nursultan Nazarbaev Birikken Arab Ámirlikterine issaparmen barǵan bolatyn. Kezdesý nátıjesinde arab bıznesmenderi Qazaqstanǵa qyzyǵýshylyq tanytqan. Búgingi bıznes forýmǵa eki eldiń bıznesmenderi jınalyp, birqatar kelisim bekitýdi kózdep otyr.
