TarMPI-dyń bas oqý ǵımaratynan bastalatyn marafonǵa qatysýǵa myńnan astam adam nıet bildirgen. Olardyń qatarynda joǵary oqý oryndarynyń ujymdary men stýdentteri jáne qala turǵyndary bar.
Shara barysynda Rıo Olımpıadasynyń kúmis júldegeri, dzıýdodan halyqaralyq dárejedegi sport sheberi Eldos Smetov, qazaq kúresinen Álem chempıony, halyqaralyq dárejedegi sport sheberi Dáýlet Pahredınov jáne álemdik, respýblıkalyq sport dodalarynyń jeńimpazdary marafonǵa qatysýshylarymen birge tańǵy jattyǵý jasaıdy.
«Bul marafon jastardyń sportpen turaqty aınalysýyna zor múmkindik beredi. Sol úshin barshańyzdy sharaǵa qatysýǵa shaqyramyz. Jalpy Taraz marafondy qoldap otyrǵan tórtinshi qala. Maqsatymyz – «EKSPO-2017» halyqaralyq kórmesin nasıhattaı otyra, óńir jastarynyń sportqa qulshynysyn arttyrý, turǵyndar arasynda buqaralyq sport túrin damytý», – deıdi jarys uıymdastyrýshylary.
Jeńimpazdar 5 atalym boıynsha marapattalady. Marafon sońy pedagogıkalyq ınstıtýttyń óner ujymdarynyń gala-konsertine ulasady.
