«Oraza kezinde solardan 18 meshit aýyzashar uıymdastyrady. Aımaǵambet Spanov atyndaǵy oblystyq meshit bir keshte 700 adamǵa aýyz ashar jasaıtyn bolady. Orazanyń 29 kúninde de osyndaı qyzmet kórsetiledi», dedi oblystyq meshittiń bas ımamy, respýblıkalyq Musylmandar dinı basqarmasynyń oblystaǵy ókil ımamy Baqytbek Tájibaev jergilikti jáne respýblıkalyq buqaralyq aqparat quraldary úshin ótkizgen brıfıngte.
Oblys meshitterinde oraza ustaǵandar úshin tek keshkilik aýyzashar ǵana emes, kúndiz de mádenı sharalar ótkiziletin bolady. Mysaly, oblystyq jańa meshitte 600 oryndyq kitaphana bar. Ondaǵy kitaptardyń jartysy dinı, jartysy zııattyq kitaptardan turady. Oǵan oraza tutqandar jáne basqa da nıet etkender kelip, kitaptar, merzimdi basylymdardy oqýyna, ınternet paıdalanýyna bolady. Imamdar jýrnalısterge meshitterde Qadyr túni, taraýıh namazdary ótkiziletini, qarılardan quran súreleriniń tyńdalatyny, oraza pitiri, qaıyrymdylyq sharalary týraly aqparat berdi.
Názıra Járimbetova,
«Egemen Qazaqstan»
