Keshe

...bastama 250 balany qamtydy Atyraýda ata-ana qamqor­ly­ǵynsyz qalǵan balalarǵa, turmysy tómen, kóp balaly ot­basylarǵa kómek kórsetý maqsatynda ótkizilgen «Mektepke jol» aksııasyna birneshe mekeme demeýshilik ta­nyt­ty. Olardyń arasynda «Ad­jıp» QKO mektep jasyndaǵy 100 balaǵa sómke, mektep qu­ral­daryn tabystady. Qaıy­rym­dylyq sharasyna «Reseı jınaq banki» Atyraý fı­lı­aly, «Bank SentrKredıt» sekildi ujymdar da atsalysty. Al «Ataba» JShS tek óńir ortalyǵyndaǵy ǵana emes, so­ny­men birge, Jylyoı, Inder aýdandaryndaǵy demeýshiler kó­­megin qajetsinetin otba­sy­lar­dyń balalaryna syı jasaý­dan jyl saıyn shet qal­maı­dy. Keshe adamdardyń bir-bi­ri­ne qamqorlyq, meıirimdilik tanytý sekildi asyl qasıet­ter­di boıǵa darytatyn ıgilikti sharanyń aıasynda 250 ba­laǵa qamqorlyq kórsetildi. Joldasbek ShО́PEǴUL, Atyraý oblysy. ...aımaqtyq jıyn aıaqtaldy № №6800, 6637, 3600 áske­rı bólimderi men Petropavl áskerı ınstıtýty rota koman­dır­leriniń tárbıe jáne áleý­mettik-quqyq jumystar jó­nin­­degi orynbasarlary úsh kún boıy ózderiniń teorııa­lyq-tájirıbelik bilimi men kásiptik biliktiligin ortaǵa saldy. Alǵashqy kúni leksııalar tyńdalyp, testilik synaqtan ótse, kelesi kúni atys alań­da­rynda praktıkalyq shara­lar­ǵa qatysty. Oqý-ádistemelik jıynnyń sońǵy kúni IIM Ishki áskerleri qolbasshysynyń tár­bıe jáne áleýmettik-qu­qyqtyq jumystar jónindegi orynba­sa­ry Ábýsadyq Erejepovpen kezdesý ótkizip, dáristik sa­baq­tar tyńdaldy. «Dinı senim jáne eks­tre­mıstik terrorızm» taqyry­by­na arnalǵan «dóńgelek ústel­diń» de paıdasy mol boldy. О́mir ESQALI, Soltústik Qazaqstan oblysy. ...aksııa aıasyndaǵy sharalar jalǵasty 22 tamyzda bastaý alǵan «Otbasyndaǵy zorlyq-zomby­lyq­ty toqtatamyz» atty ak­sııa­nyń maqsaty memlekettik oryndar men qoǵamdyq uıym­dardyń, jurtshylyqtyń naza­ryn turmystyq zorlyq-zom­by­lyq máselesine aýdartý jáne otbasylyq qatynastar ara­syn­da teń quqyly máde­nıettilik tárbıeni qalyptastyrý bolyp tabylady. Ony uıymdastyrýshy qu­qyq qorǵaý organdarynyń ókil­deri azamattardyń quqyq­tyq saýattylyǵyn jetildirýge arnalǵan túsindirme, úgit-nasıhat jumystaryn júrgizý­de. Otbasylyq ómirdegi, balalar tárbıesindegi keleńsiz jaı­­lardyń aldyn alý shara­la­ryna basa kóńil bólingen. Bul iske, sonymen birge, úkimettik emes uıymdar belsendilikpen atsalysyp, úıishilik kıkil­jiń­ge ushyraýshylarǵa tegin psıhologııalyq jáne peda­go­gıkalyq qyzmet kórsetýde. Atalǵan aksııa búgin aıaq­ta­lady. Aıqyn NESIPBAI, Qaraǵandy.