Dúısenbi kúni, jergilikti ýaqyt boıynsha saǵat 22.35-te júzdegen adamnyń jarylysqa uqsas dybystan keıin konsert zalynan qashyp jatqany týraly aqparattar shyǵa bastady. Bul kezde Manchester Arena zalynda amerıkalyq ánshi Arıana Grandeniń konserti aıaqtalyp jatqan bolatyn. Málimetter boıynsha eki qatty gúrsil estilgen. Ulybrıtanııa premer-mınıstri Tereza Meı saılaý kampanııasyn toqtatyp, shabýyldyń artynda turǵan kimder ekenin anyqtaý maqsatynda úkimettiń tótenshe otyrysynyn ótkizetinin málimededi. «Búkil oıymyz qurban bolǵandar men zardap shekkender týraly. Oqıǵanyń mán-jaıyn tolyqtaı anyqtaý úshin jumys isteımiz» dedi ol.
