Jedelhatta «Manchester Arena» stadıonyndaǵy jarylystar saldarynan kóptegen adamnyń qaza bolǵany týraly habardy Nursultan Nazarbaevtyń zor kúızelispen qabyldaǵany aıtylǵan.
Búginde terrorızmniń etek alýy barlyq memleketter úshin ortaq qaýip-qaterge aınalyp otyr. Qazaqstan halyqaralyq qaýipsizdikke qater tóndiretin terrorızm men ekstremızmniń kez kelgen túrin qatań aıyptaıdy.
«Búkil Ulybrıtanııa halqyna, qaıǵyly oqıǵa qurbandarynyń otbasylary men jaqyndaryna Qazaqstan halqynyń jáne jeke ózimniń atymnan qaıǵylaryna ortaqtasyp, kóńil aıtamyn. Zardap shekkenderdiń tezirek saýyǵyp ketýine tilektespin», – delingen jedelhatta.
