Sharaǵa tek tártip saqshylary ǵana emes, sýda qutqarýshylar men balalar men stýdent jastar qatysty. Kaspıı teńizin basty sahna etip alǵan tártip saqshylary sýda qutqarýshylardyń kómegimen teńizde polısııa belgisi salynǵan alyp bannerdi kóterdi. Jaǵalaýda parýs jasóspirimder mektebiniń oqýshylary parýstarymen «25» sanyn beıneledi. Shara teńizdegi ıahtada jalǵasyp, tártip saqshylary patrıottyq taqyrypta án shyrqap, kókke 50 kógershin ushyrdy. Dál osy ýaqytta aqtaýlyq stýdentter teńiz jaǵasynda Jerdiń sımvolıkalyq keskinin jasady. Jer «ishinde» jergilikti JOO áskerı kafedra stýdentteri «25 jyl» dep jazyp kórsetti. Áserli ótken sharaǵa 350 adam qatysty.
«Bul aýqymdy sharada biz tártip saqshylarynyń tek jan-jaqtylyǵyn ashyp kórsetkimiz keldi. Olardyń tek qoǵam tártibi men adam quqyqtaryn saqtap qana qoımaı, án aıtyp, bılep, beıbit eldiń tynyshtyǵyna án-jyrmen de úles qosa alatynyn dáleldedik», – deıdi Mańǵystaý oblystyq IID ınspektory T.Ázızaev.
Gúlaıym Shyntemirqyzy,
«Egemen Qazaqstan».
AQTAÝ
