Keshke Tusyn Jurtbaı, Mádı Aıymbetov, Darhan Qydyráli, Aqedil Toıshanuly syndy zııaly qaýym ókilderi, kolledj stýdentteri men mektep oqýshylary qatysty. Moderator – ǵalym, fılologııa ǵylymdarynyń doktory, professor, pýblısıst Namazaly Omashev boldy.
Kesh kirispesin Namazaly Omashev bastap berip, odan keıingi sóz kezegi kelgen qonaqtarǵa berildi. Aqynnyń kýrstastary, dostary, aǵa-inileri ózderiniń aqjarma tilekterin jaýdyryp, birge ótkergen kezderinen estelikter aıtty. «Egemen Qazaqstan» respýblıkalyq gazeti» AQ Basqarma tóraǵasy Darhan Qydyráli aqyn aǵasy týraly aıtqan esteliginde: «Jyrsúıer qaýymǵa júrekti terbegen názik te lırıkalyq ánderge jazǵan óleń joldarymen de keńinen tanymal bolǵan Nesipbek Aıtuly aldymen keń tynysty, epık aqyn. Halyqtyq aýyz ádebıet úlgilerimen tushynyp, sýsyndap ósken, jyraýlar poezııasyn boıyna tereń sińirgen arqaly aqyn» dedi.
Kezinde Nesipbek aqyn jaıly daýylpaz jyrshy Muqaǵalı Maqataev: «О́z jastyǵy men jas tvorchestvosyna laıyq ún ańǵardym. Tili jatyq, oıy anyq. О́leńderinen jasandylyq baıqalmaıdy, jastyqqa tán ot bar. Aǵynan jarylyp, taýsyla talaptaný, izdenis bar. Qaısy bir jastarda ushyrasa bermeıtin múlde bir bólek saryn esedi» dese, úlken aqyn Tumanbaı Moldaǵalıev: «Tereń oı, ystyq sezim, jalǵany joq jaqsy úmitke jeteleıtin elgezek aqyndyq óz oqyrmanyn beıjaı qaldyrmaıdy. Nesipbek jyrlary – bıik jyrlar, tereń jylar. Bul jyrlardyń boıynda kúzgi shýaq, tańǵy sáýle, oıǵa shomǵan orman, jetkizbeıtin arman, azynaǵan jel, asqaqtaǵan bel, teńselgen kól, tebirengen zaman bar. Armanyn qýalaǵan azamat kóńil, tereńge úńilgen qarııa kóz, darııa aqyl bar» - dep óz baǵalaryn bergen.
Ystyq lebizder arasynda ánshi Nurlytań Ermektiń oryndaýynda Nesipbek Aıtulynyń sózine jazylǵan «Aıhaı, zaman» áni shyrqaldy. Kitaptyń tanystyrylymynyń sońynda keshtiń basty keıipkeri Nesipbek Aıtuly jınalǵan qaýymǵa óz rahmetin aıtyp, jastardy otansúıgish bolýǵa shaqyrdy.
Jalpy Nesipbek Aıtuly aqyndyqpen qatar aýdarmashy. Túriktiń VII ǵasyrda ómir súrgen uly aqyny Júnis Emireniń, qytaıdyń kóne dáýir aqyny Bo Syzıýdyń, fransýz aqyny DJ. Rodarıdyń, sondaı-aq M.Isakovskıı, A.Barto, S.Mılakov, S.Barýzdın, V.Berestov, T.Sydyqov, S.Jýsýevtiń óleńderin tárjimalaǵan.
Azamat MÁÝLENULY
