Dindarlar atynan alǵys

Keshe Memleket basshysy Nursultan Nazarbaev Qa­zaq­­stan Respýblıkasyndaǵy Orys pravoslavıe shirkeýi Mıtropolıttik okrýginiń basshysy, Astana jáne Qa­zaq­stan Mıtropolıti Aleksandrdy qabyldady, dep ha­bar­lady Qazaqstan Respýblıkasy Prezıdentiniń baspasóz qyzmeti. Mıtropolıt Aleksandr din­darlar atynan Prezıdentke pravoslavıe shirkeýine kó­ńil bólip otyrǵany úshin al­ǵys aıtty. – 2011 jyl – Qazaqstan úshin erekshe jyl, bul me­reı­toılyq jyl, bizdiń memle­keti­mizdiń Táýelsizdiginiń 20 jyl­dyǵy jyly. Qazaqstan bú­gin­de ártúrli konfessııa adam­da­ry, ártúrli ulttar beıbit ómir súrip jatqan, toleranttylyq, transparenttilik, beıbitshilik pen kelisim saqtalǵan erekshe el, bul bos sózder emes, tolyq maǵynasyna ıe sózder. Pre­zı­denttiń eńbegi  osynda. Osy­ǵan baılanysty keıbir máse­le­ler bizdiń Ult kóshbas­shy­sy­men bolǵan kezdesýimiz ben búgingi talqylaýymyzdyń ta­qy­ryby boldy. Adam úshin ashyq aspannan, beıbit ómir­den, berekege umtylýdan ar­tyq eshteńe joq. Adamdar ara­syndaǵy jyly, shynaıy adamı qarym-qatynastarǵa eshte­ńe jetpeıdi. Beıbitshilik pen kelisim – bul ejelden bereke sımvoly. Bizdiń Prezıdentimiz bul týraly únemi aıtyp keledi. Durys pikirdegi adam qoǵam­daǵy kelisim tárizdi mun­daı adamı qarym-qaty­nastardyń paıda bolýyna baılanysty bar­lyq nársege tolyq qaty­syp, qoldap otyrýy qajet. Osy oraıda Nursultan Ábish­ulynyń eńbegi zor. Qazaqstan bul rette naqty baǵyt usta­nyp, senimdi qadam jasap keledi. Aınalaǵa qarańyzshy – tó­ńiregimizde qan tógilýde, et­nos­aralyq jáne dinaralyq qa­rym-qatynastar jaqsy emes, al bizde – konfessııaaralyq jáne ultaralyq kelisim saq­tal­ǵan. Bul – ıslam kóshbas­shy­larynyń, atap aıtqanda, Bas múftıdiń eńbegi, bul – memlekettiń durys ustanymy, bul – Orys pravoslavıe shir­keýi­niń durys ustanymy. Tek birge, tek birlese otyryp biz Otanymyz ben adamdardyń ıgiligi úshin paıdamyzdy tıgize alamyz. Bul máselelerdi biz taǵy da elordamyz Astanada ótetin Álemdik jáne dástúrli dinderdiń kezekti 4-sezi qar­sańynda talqy­la­dyq, – dedi jýrnalısterge arnalǵan brıfıng barysynda Mıtropolıt.