Sahnada Adam ata men Haýa ananyń jalǵyzy – Adam qoryldap uıyqtap jatyr. Ony It, Esek, Maımyl kelip julqylap ketedi, oıanbaıdy. Al Jábireıl perishteniń jalǵyz uly Aq saıtan kelip oıatyp: «Nege jatsyń? Tur, Táńirimizden jas surap alaıyq, sen endi ólesiń ǵoı?!» deıdi. Adam barmaıdy. Aq saıtan Táńirimen sóılese alatyn Quzǵynmen tildesip, Táńirimiz 50 jas bergen Ittiń, Esektiń, Maımyldyń jarty jasyn adamǵa berýine kóndiredi. Dramatýrg pen rejısser osy shyǵarma arqyly adamnyń eń jaqsy ómiri jastyq shaq ta, odan keıin ómirdiń, ýaqyttyń, qarttyqtyń salmaǵy túse beredi. О́mir adamdy ıt te, esek te, maımyl da etedi degen oıǵa jeteleıdi.
«Jánibek akademııada Satybaldy Narymbetovteı óte tájirıbeli kınogerden tálim aldy. Biraq Sháken Aımanov ta klassıkalyq fılmder qaldyrǵanymen, ónerdegi jolyn alǵashqyda teatrdan bastaǵan. Bul Jánibektiń óner órine júzýiniń bastamasy», dedi teatrdyń bas rejısseri, Qazaqstannyń halyq ártisi Ersaıyn Tóleýbaı. Spektaklde negizinen teatrǵa sońǵy ýaqytta kelgip qosylǵan jas akterler óner kórsetti. Jas rejısser men jas akterlerdiń sahnalaýyndaǵy qoıylymǵa kórermen uzaq qol soqty.
Jánibek Kárbozov akademııa qabyǵasynda júrip-aq qysqa metrajdy úsh kıno túsirip úlgerdi. Onyń dıplomdyq jumysyna alǵan «Oń qol» qysqametrajdy fılmi kórermennen de, povest avtory Tólen Ábdikovten de jyly baǵasyn alǵan edi.
Názıra Járimbetova,
«Egemen Qazaqstan»
QOSTANAI
