Birikken Arab Ámirlikteriniń Cyrtqy ister jáne halyqaralyq yntymaqtastyq mınıstri sheıh Abdalla ben Zaıd Ál-Nahaıannyń aıtýynsha, jyl saıyn arab eline Qazaqstannyń 100 myńǵa jýyq azamaty baryp qaıtady. Olar vızalyq talaptar alyp tastalǵannan keıin bul kórsetkish eki ese kóbeıedi degen nıette.
«Qol qoıylǵan qujatty iske asyrý boıynsha memlekettik ishki prosedýralar bir-eki aıda aıaqtalady dep úmittenemiz. Qujat kúshine engen soń, qazaqstandyqtar BAÁ-ǵa saparlary barysynda 10 mln dollarǵa deıin únemdeıtin bolady», – dep jazdy Ánýar Jaınaqov.
Onyń aıtýynsha, búgingi tańda otandastarymyz BAÁ-ge vıza alý úshin shamamen 100 dollar jumsaıdy.
Sondaı-aq SIM baspasóz qyzmetiniń basshysy jaqynda Japonııa bıliginiń Qazaqstan azamattaryna elge vıza alý úshin talaptardy jeńildetkenin atap ótti.
«Qazaqstandyq dıplomattar Taılandpen, Izraılmen, QHR arnaıy ákimshilik aımaǵy Makaomen, sonymen qatar Domınıkan Respýblıkasy, Kosta-Rıka jáne Fıdjı sekildi ekzotıkalyq memlekettermen de vıza talaptaryn jeńildetý jóninde kelissózder júrgizip jatyr», – dep málimdedi Á.Jaınaqov.
