Aǵa urpaqqa adaldyq

Bul adamzat tarıhynda oryn alǵan álemdegi eń iri ıadrolyq tehnogendik apat bolatyn. Cher­nobyl atom elektr stansa­syn­daǵy apatty zalalsyzdandyrýǵa qatysqan 32 myń qazaqs­tan­dyq­tyń qazir 6797-si ǵana jer basyp júr. Solardyń qatarynda bolǵan 2 myń aqtó­be­liktiń 278-i ǵana aman-esen. Olar­dyń 218-i mú­ge­dek. Ústi­miz­degi jyl­ǵy 26 sáýirde sol bir kúr­deli kezeńde apatty zalalsyz­dan­dyrýǵa atsa­lys­qan jerlesterimizge orna­ty­latyn eskertkish-belgi­niń tu­ǵyr­­­tasy qoıylǵan-dy. Konstıtýsııa kúni qarsańynda osy eskertkish-belginiń saltanat­ty ashylý rásimi boldy. Oǵan Chernobyl atom elektr stansa­syn­da bolǵan apatty zalal­syz­dan­dyrýǵa qatysýshylar, so­ǵys jáne eńbek ardagerleri, qala­lyq­tar qa­tysty. Chernobyldikterge orna­tyl­­ǵan eskertkish-belginiń sal­ta­natty ashylýynda sóz alǵan «Nur Otan» HDP oblystyq fılıa­ly­nyń tóraǵasy, oblystyq máslı­hat­tyń hatshysy Balǵalı Ordabaev apatty zalal­syz­dan­dy­rýǵa qa­tysýshylardyń azamattyq pary­zyn adal atqarǵanyn, olar­dyń erlik isteri eshqashan umy­tyl­maı­tynyn, bul taqsyrettiń urpaqtar jadynda máńgi saq­ta­latynyn jetkizdi. Jastarǵa pat­rı­ottyq tárbıe berýdegi che­rno­byldikterdiń óne­geli isterine toqtaldy. Osy sharaǵa arnaıy kelgen Chernobyl ardagerleri odaǵy úılestirý keńesiniń tóraǵasy Ba­qytjan Áshirbaev, Pavlodar ob­lystyq «Chernobyl odaǵy» qo­ǵam­dyq birlestiginiń tóraǵasy Omarbek Aıtjanov Chernobyl atom elektr stansasynda bolǵan tehnogendik apatty aýyz­dyq­taý­daǵy qazaqstandyqtardyń eren erligin keńinen áńgimeledi. Den­saýlyqtary men ómirlerine qaýip tónip turǵanyna qaramastan, jal­pyadamzattyq ajdahany za­lal­syzdandyrýdaǵy erlik isteri qandaı da qurmetke laıyq ekenin eske saldy. Soǵys jáne eńbek múgedekteri oblystyq qoǵamy­nyń tóraǵasy Fedor Chemodanov Elbasy Nursultan Nazarbaevtyń sarabdal saıasatynyń nátıje­sin­de jergilikti bıliktiń ardagerler­ge, aýǵandyqtarǵa jáne cherno­­byldikterge áleýmettik qoldaý kórsetýdi júıeli júrgizip kele jatqany úshin alǵys sezimin jetkizdi. «Chernobyl qurbandary» qoǵamdyq birlestiginiń tóraǵasy Baqytjan Satov chernobyl­dik­ter­ge turmystyq jeńildikter qa­ras­tyryp, osy eskertkish-belgini qoıý­ǵa qoldaý-kómek kórsetken ob­lystyq jáne qalalyq ákim­dik­ter­ge sheksiz rızashylyǵyn bildirdi. Eskertkishtiń tuǵyrtasynda «1986-1990 jyldary Chernobyl AES apatyn zalalsyzdandyrýǵa qatysqan aqtóbelikterge taǵzym etemiz» dep jazylǵan. Sharaǵa qa­tysýshylar ómirden ozǵan cher­nobyldikterdi bir mınót únsiz­dikpen eske aldy. Satybaldy SÁÝIRBAI. Aqtóbe oblysy.