Arqa súıerlerimiz bar

Rasyn aıtqanda, sportpen alańsyz shuǵyldanýǵa, ony tereńdete jalǵas­ty­ryp, aqyrynda dittegen maq­sat­tar­ǵa jetýge kómek-qoldaý­dyń yqpal-áseri zor ekendigin biz jaqsy bilemiz. Keıingi kezde memlekettik qamqor­lyq­tyń kúsheıe tú­sýi­ne baı­lanysty ony súıik­ti serik etýshiler úshin jaqsy jaǵdaı qalyptasty. Sonymen birge, jekelegen uıymdar men aza­mattardyń demeýshilik úrdis qalyptastyrýy osy ba­ǵyt­taǵy talpynysty taýdaı qy­lyp keledi. О́z erkimen, kó­ńil qalaýymen súıenish, tirek bolýǵa tilek qýantarlyq qu­bylys qazirgi. Sondaılyq nıet bildirýshilerge razylyǵymyz erekshe. Sóz oraıynda ortaǵa salǵanda, qaraǵandylyq sportshylardyń jul­dyzdary jarqyrap, el týyn joǵary kóterip, alysqa tanylyp jatýy bir jaǵynan solardyń keń peıilderi arqasynda der edim. Al aramyzda talapkerlerge janashyrlar az emes. Máselen, men bul rette Vıktor Lım degen azamattyń esimi men isin aıryqsha ataýyma bolady. Kezinde ózi de kilem ústinde kúsh synasqan, búginde belgili kásipker ol minekı, birneshe jyldan beri qazaq kúresin damytýǵa úlken úles qosýda. Ja­rystardyń úlgili ótýin, oǵan jer-jerden balýandardyń qamtylýyn jomarttyqpen qoldaıtyn birden-bir kisi osy. Maýsym aıynda Qara­ǵan­dyda uıymdastyrylǵan qazaq kúresinen respýblıkalyq sparta­kıa­danyń este qalarlyqtaı bolýy­na aldymen Vıktor Afana­se­vıch­tiń belsendi kómeginiń zor septigi tıdi. Ol shákirtterimniń halyqaralyq iri saıystarǵa qatysýyn qamtama­syz etýden qashanda qalys qal­maı­dy. Byltyr Astanada ótken álem chempıonatyna óz sal­ma­ǵy boıynsha beldesýshiler arasynda júl­deli oryn­nan kóringen Oljas Slam­bekovtiń daıyn­dyǵyn, barý­yn kóterdi. Bir kezde qolym­nan qanat qaǵyp, ataqty samb­oshyǵa aınalǵan Talǵat Baısholaqov ta izbasarlary talabyn ushtaýǵa árdaıym yntaly azamat. Qazaq qyz­da­ry arasynan alǵashqy sam­boshy atanǵan Kelbet Nur­ǵa­zına tárizdi maqtanyshy­myz­dyń qamqory ekenin kóp­shilik bile bermeýi múmkin. Aıta berse, aımaǵy­myz­da osyndaı sport demeýshileri az sanalmaıdy. Jattyq­tyrýshylar, sportshylar, ata-analar atynan olar­ǵa aq alǵysymdy jetkizgim keledi. Árqaısysynyń jaq­sylyǵy men qaıyrymdylyǵy úlken sportqa sebilgen shapaǵat. Onyń shýaǵyna bólengen shákirt­te­rim óz taraptarynan senimdi aqtaýǵa, namysqa berik. Dıqanbaı BITKО́ZOV, Qazaqstan Respýblıkasynyń eńbek sińirgen jattyqtyrýshysy. Qaraǵandy oblysy.