• 30 Tamyz, 2011

Fılm premerasyn tamashalady

410 ret

kórsetildi

1 mın

oqý úshin

Egemen Qazaqstan

27 tamyzda Memleket basshysy Nursultan Nazarbaev «Kerýen» saýda-oıyn-saýyq ortalyǵynda bolyp, «A»-ǵa oralý» atty jańa qazaqstandyq kórkem fılmniń premerasyn tamashalady, dep habarlady Qazaqstan Respýblıkasy Prezıdentiniń baspasóz qyzmeti. Avtorlary Vladımır Moıseenko, Aleksandr Novotoskıı-Vlasov bolyp tabylatyn, Ǵazız Nasyrov pen Dıdar Amantaıdyń qatysýymen jazylǵan ssenarııge Aýǵanstan soǵysyna qatysqan Qara maıor jaıly ańyzdyń tarıhy arqaý bolǵan. Fılmniń rejısseri – Egor Konchalovskıı. Basty rólderde Seıdolla Moldahanov, Berik Aıtjanov, Denıs Nıkıforov, Karlyǵash Muhamedjanova, Ivan Jıdkov, Andreı Shıbarshın, Asha Mataı, Arman Ásenov, Farhat Ábdiraıymov, Gosha Kýsenko, Gúlnar Dosmatova, Natalıa Orynbasarova, Sergeı Veksler, Janel Maqajanova, Grıgorıı Antıpenko oınaıdy. Fılmniń alǵashqy kórsetiliminen keıin Memleket basshysy túsirý tobymen fılm týraly óz pikirin bólisti. – Bul aýǵan soǵysy bizge, qazaqstandyqtarǵa qajeti joq edi. Biraq solaı boldy. Jastardyń birazy qazaǵa ushyrady, kóbi múgedek bolyp qaldy. Olardy umytpaı, tarıhty este saqtaý úshin, jastarǵa ónege etý úshin óte qajet fılm, – dedi Nursultan Nazarbaev.