Jastar – Elbasymen birge!

Qurmetti Nursultan Ábishuly! Osydan 16 jyl buryn Sizdiń basshylyǵyńyzben qabyldanǵan egemen elimizdi barsha álemge quqyqtyq, zaıyrly jáne birtutas memleket retinde jarııalady. Bul turǵyda Siz «Egemen elimizdiń memlekettiligin, táýelsizdigin, demokratııalyq qundylyq­taryn aıǵaqtaıtyn birden bir qujat – bul Konstıtýsııa» – dep osy tarıhı mańyzdy qujattyń mán-maǵynasyn tolyǵymen aıshyqtap berdińiz. Siz qazirgi tańda Qazaqstannyń árbir jas azamaty úshin elimizdiń Konstıtýsııasynda bekitilgen barlyq múmkin­dik­terdi júzege asyrýdyń kepili bolyp otyrsyz. Sizdiń táýel­siz elimizdiń bilikti jastaryna artyp otyrǵan senimińizdi asa jaýapkershilikpen sezinetin jasampaz jas árqashan jańa bastamalar janynan tabylýǵa tyrysady. Barsha qazaq jastaryna degen qoldaýyńyzdy QazUÝ qalashyǵyna qarap ta kórýge bolady. Mysaly, jańa oqý ǵımarattary men jataqhanalar, baı kitap qory bar kitap­hananyń boı kóterýi, stýdenttik qurylys jasaqtarynyń qyzmet etýi jas urpaqtyń óz elin súıetin eljandy, bilimdi, bilikti bolyp ósýine jasaǵan jaǵdaıyńyz dep bilemiz. «Adamnyń qandaı ekenin onyń qandaı maqsat qoıǵanyna qarap bilesiń» – deıdi. Olaı bolsa, árdaıym osyndaı bıik maqsatqa qol jetkizýge umtylatyn bizdeı jastary bar Elimizdiń áli talaı asýdy baǵyndyratyna kámil senim bildiremiz! Qanatty barystaı kósile kókke órlegen Qazaqstannyń mereıi ústem bolyp, gúldene bersin! Elimizdiń jastary bul jolda jastyq jalyny men kúsh-jigerin aıap qalmaq emes. Ál-Farabı atyndaǵy QazUÝ Jastar uıymdary komıteti.