Senat depýtattarynyń jınalysy

Ortalyq saılaý komıssııasynyń jańadan saılanǵan Parlament Senatynyń depýtattaryn tirkeýine baılanysty palata depýtattarynyń jınalysy boldy, dep habarlady Parlament Senatynyń baspasóz qyzmeti. Jınalysty asha kelip Senat Tóraǵasy Qaı­rat Mámı bıylǵy 19 tamyzdaǵy saılaý nátıjeleri boıynsha eli­mizdiń Ortalyq saılaý komıs­sııa­sy jańa­dan saılanǵan Senat de­pýtattaryn tirkegenin jáne endi saılanǵan áriptesteri depýtattyq ókilettik­terin júzege asyrýǵa bar kúsh-jigerin, bilimi men tá­ji­rıbelerin arnaıtynyna senim bildirdi. Q.Mámı Parlament  qyzme­ti­ne jáne ulttyq zańnamany qa­lyp­tas­tyrýǵa qosqan qomaqty úle­si úshin óz ókilettikterin aıaq­taǵan depý­tat­tarǵa alǵys aıtty. Tóraǵa sondaı-aq ózderiniń már­tebeli mindetterin ta­bysty atqarýǵa járdemdesken olar­dyń joǵary kásibı sheberligi men iske degen jaýapkershiligin atap ótti. Q.Mámı aıtqandaı, elimizdiń joǵary ókildi organy ókilettigin bekitken, Konstıtýsııanyń negizinde qurylǵan qos palataly Par­lament Senatynyń tuńǵysh tóraǵa­sy О́mirbek Baıgeldıdiń eńbegin jurtshylyq joǵary baǵalaıdy. Qoǵam jáne memleket qaıratkeri О́.Baı­geldı tóraǵalyq etken kezeń­de Senat táýelsiz Qazaqstannyń damýy úshin asa mańyzdy zańdardy qabyldady, egemen damý jolyna túsken al­ǵashqy jyldarda ýaqyt talap etken quqyqtyq irgetas qalyp­tas­tyryldy. Depýtattyq ókilettigin aıaqta­ǵan Núsipjan Nurmanbetovtiń, Tas­baı Sımambaevtyń, Baqbergen Dosmanbetovtiń, Edilbaı Iman­qu­lovtyń, Serik Aıaǵanovtyń, Amanjol Bólekbaevtyń, Jaqaı Nurǵalıevtyń Senatta qyzmet etken jyldardaǵy eńbegine toq­talǵan Q.Mámı olardyń depý­tat­tyq mindetteri men azamattyq paryzyn oryndaýda ónege bolǵanyn atap ótti. Tóraǵanyń aıtýynsha, Qazaq­stan memlekettiligin damytýda quqyqtyq irgetas qalyptastyrý­da­ǵy aýqymdy reformalardy júzege asyrý úshin zańnamalyq ahýal jasaýdaǵy olardyń eńbegi jańadan saılanǵan depýtattarǵa ǵana emes, keleshek urpaq úshin de úlgi. О́kilettigin aıaqtaǵan depý­tattarǵa Alǵys hat pen estelik syılyq tabys etildi.