Búgin el Táýelsizdiginiń 25 jyldyǵyna oraı uıymdastyrylǵan saltanatty sharalar legi elordada sharsha shamyn jaǵýmen jalǵasyn tapty.
Aıtýly meıram qurmetine respýblıka jurtshylyǵy qatarynan tórt kún demalǵany belgili. Astanalyqtar men qala qonaqtarynyń buqaralyq serýeni sátti ári qyzyqty ótýi úshin «Han Shatyr» saýda-oıyn saýyq ortalyǵynyń mańynan arnaıy Muz qalashyǵy salynyp, bas shyrshanyń shamy jaǵyldy.
Qala ákimi Áset Isekeshev jaqqan bıylǵy bas shyrshanyń bıiktigi 26 metr. Qyzyldy-jasyldy árqıly oıynshyqtarmen bezendirilgen bas shyrshanyń túngi kórinisi ásem bolýy úshin oǵan 300 000 myńnan astam túrli tústi sham ilingen.
Sondaı-aq, saltanatty sharany tamashalaýǵa kelgen jurtshylyq nazaryna qala ónerpazdarynyń merekelik baǵdarlamasy usynyldy. Muzdan jasalǵan ertegiler álemindegi keıipkerler músinderi men qaýipsiz syrǵanaqtar kóńilderge qýanysh syılap, shat-shadyman etýde.
El Táýelsizdiginiń 25 jyldyǵy men EKSPO-2017 kórmesiniń qurmetine oraı, uıymdastyrylǵan arnaıy otshashýda 500 qar men 3 000 túrli-tústi shar kórinis berip, túngi Astananyń ajaryn asha tústi.
Nurlybek Dosybaı, "Egemen Qazaqstan".
Sýretterdi túsirgen Erlan OMAROV
