Ekijaqty áriptestik baılanys

Almaty oblysy ákiminiń orynbasary Ty­nysh­­baı Dosymbekov bastaǵan delegasııa Sol­tústik Qazaqstan oblysynda bo­lyp, óńirlik  qa­rym-qatynasty odan ári baıan­dy etý­diń naqty joldaryn qarastyrdy. Quramy­na túrli qury­lym, bıznes ókilderi engen topty aımaq basshy­sy Serik Bilálov qabyldap, búginde qyzý óris alǵan egin oraǵynyń barysymen ta­nys­tyrdy. Kúrdeli aýa raıy jaǵdaıyna qara­mastan bitik egindi jınaýǵa barlyq kúsh-jiger jumyldy­ry­lyp otyr, ozyq tehnologııalar keńi­nen qolda­nylýda. Jetisýlyq delegasııa jetekshisi óz kezeginde  eki­jaqqa da paıdaly iskerlik qarym-qaty­nastyń 2008 jyldan ornaǵanyn, osy saparda astyqty  aımaq­tan 100 myń tonna bıdaı satyp alýǵa múddelilik tanytyp otyrǵan­daryn aıta kelip, kúrish, ósimdik maıy, sarymsaq ónim­derimen, akkýmýlıator batareıa­lary, qurylys mate­rıaldary  sekildi ónerkásip taýarlarymen qam­tamasyz ete alatyn­da­ryn jetkizdi. Básekege qabi­letti ónerkásip jáne aýyl sharýashylyǵy ónimderin kóptep óndirý, baǵa­nyń qoljetimdiligin qamtamasyz etý máse­lelerin qamtıtyn memoran­dýmǵa qol qoıyldy. S. Muqanov atyndaǵy  ǵy­lymı-ámbebap kitaphanada qos óńirdiń  kásipker­leri kezdesip, otan­dyq taýarlar úlesin art­tyrý, naryq qıyn­dyqtaryn birlese ıgerý másele­lerine qatysty pikirler alys­ty. Jergilikti jerlerde jumys isteıtin kásip­oryndardyń eńbek yrǵaǵy­men tanysty. О́mir ESQALI. Soltústik Qazaqstan oblysy.