Astanaǵa keletin týrısterdiń sany edáýir artty

Resmı statıstıkalyq málimetterge sáıkes, Qazaqstan elordasynda týrızm salasynda eleýli ósim baıqalyp otyr, dep habarlaıdy Astana ákimdigi. 1998-2016 jyldar aralyǵyndaǵy kezeńde Astanaǵa jyl saıyn keletin sheteldikterdiń sany shamamen 50 esege (5,5 myńnan 273 myń adamǵa deıin), Qazaqstan azamattarynyń sany  43 esege (12,8 myńnan 558 myń adamǵa deıin) artty; osy rette ornalastyrý oryndary kórsetken qyzmetterdiń kólemi 91 esege  jylyna 200 mln-nan 18,2 mlrd teńgege deıin ulǵaıǵan, dep habarlaıdy elorda ákimdigi. Astanada týrıstik ınfraqurylymdy damytý maqsatynda halyqaralyq áýejaıda, temirjol vokzalynda jáne «Han Shatyr» saýda ortalyǵynda aqparattyq dúńgirshekterdiń jumysy jolǵa qoıyldy, týrıster ol jerden qalanyń kartasy men jolnusqaǵyshty tegin ala alady. Sondaı-aq, aqparattyq dúńgirshekterdiń qyzmetkerleri týrıstke úsh tilde (aǵylshyn, orys jáne qazaq tilderi) aqparattyq qoldaý kórsete alady. Qalada jol tabýdy jeńildetý maqsatynda 140 jolnusqaǵysh pen 100 pılon ornatylýda. welcometoastana.kz týrıstik ınternet-portaly jáne Astana Guide uıaly qosymshasy iske qosyldy, týrısterge arnalǵan resmı Z-karta men qazaq, orys jáne aǵylshyn tilderinde Astana Official Guide jolsilteme-jýrnaldyń alǵashqy basylymy basyp shyǵaryldy. Sondaı-aq, Hop-on/Hop-off júıesimen Astana Sightseeing Tour júıeli ekskýrsııalyq avtobýstyq baǵyty iske qosyldy. Baǵyt qalanyń basty kórikti jerlerimen ótedi, joba ınvestısııalyq qarjy esebinen júzege asty. Avtobýstar aýdıogıdtermen jaraqtalǵan, onda týrıster úshin tórt tilde ekskýrsııalar júrgiziledi. Budan basqa, qalanyń týrıstik tartymdylyǵyn arttyrý úshin Nurjol býlvarymen aýdıogıdpen birge jaıaý serýender uıymdastyryldy. Jaqyn ýaqytta paıdalanýshylarǵa qajet tilde qyzmet kórsetýge múmkindik beretin Friendly Taxi jobasyn iske asyrý josparlanyp otyr. Qyzmet kórsetý salasynyń sapasyn jaqsartý maqsatymen Astananyń Recommended by EXPO-2017 áriptestik baǵdarlamasy júzege asyrylýda, oǵan qonaq úıler, hostelder, qoǵamdyq tamaqtaný nysandary, qyzmet kórsetý kásiporyndary jáne kólikti kompanııalar qatysýda. Baǵalaý júrgizý barysynda kórsetiletin qyzmetterdiń álsiz jaqtary anyqtalyp, olardy jaqsartý boıynsha keńester beriledi.