Jelbire, kók baıraq!

Oblys jurtshylyǵy Konstıtýsııa kúni merekesin joǵary deńgeıde atap ótti Elimizdiń Ata Zańy qabyldanǵan kúndi saltanatpen atap ótý respýblıka halqynyń boryshy. О́zin shyn qa­zaqstandyq, eliniń ultjandy ul-qy­zy­myn dep esepteıtin árbir azamatqa mindet sanalatyn atalmysh merekeni Pavlodar oblysynyń turǵyndary abyroımen atqardy. Negizgi sharalar oblys ortalyǵynda uıymdasty­ryl­dy. Bul kúni oryn alǵan aıtýly oqıǵanyń biri – Pavlodar qalasynyń ortalyq kósheleriniń birinde ótken  memlekettik týdy kóterý rásimi. Barsha álemge beıbitshiligi bekem, Qazaqstan Respýblıkasy dep atalatyn jańa, táýelsiz memleket beınesin pash etip kele jatqan kógildir tústes týy­myz endi Pavlodar qalasynyń qaq ortasynda jelbirep tur. Osylaısha, Konstıtýsııa kúni merekesi pavlo­dar­lyqtar úshin áserli sharamen bas­taldy. Lermontov kóshesi boıyndaǵy saıabaqta memlekettik týdy kóterýge arnalǵan saltanatty shara ótti. Ánu­ra­nymyzdyń asqaq únimen bıiktigi 40, al eni 10h20 metr bolatyn kók baıraq kóterildi. «Týǵan jerge týyńdy tik» deıdi dana halqymyz. Olaı bolsa, kindik qanymyz tamǵan ulan-ǵaıyr jerge alyp tý tigý – biz úshin asqan abyroı, zor mártebe. Tý­dyń keńdigi – elimizdiń darqandyǵy. Biz ulttyq rá­mizderdi qurmetteı oty­ryp, jas ur­paqtyń boıyna ultjan­dy­lyqty sińi­re alamyz. Bas baıra­ǵymyz beıbit as­panymyzda jelbireı bersin. Qazaq­stannyń mereıi ústem, elimizdiń eńse­si bıik, týymyzdyń tuǵyry berik bol­ǵaı. Konstıtýsııa kúni qutty bol­syn!», – dedi oblys ákimi Baqytjan Saǵyntaev. El tiregi – eljandy urpaq. Al memlekettik rámizderge degen qur­met – otanshyldyq sezimniń asa bir jar­qyn kórinisteriniń biri. Son­dyq­tan bolar, sharaǵa jastar qaýymy kóp­tep tartyldy. Sondaı-aq, salta­nat­ty rásimge Uly Otan soǵysynyń ardagerleri, tyl eńbekkerleri, memlekettik mekeme basshylary men qala turǵyndary kóptep jınaldy. «Kók týymyz jelbirep turǵan bul saıabaq qalamyzdaǵy eń bir kórkem, qasıetti oryndardyń birine aınalatyndyǵyna senimdimin. Bul ásirese jastar qa­ýymy úshin, olardy ultjandylyqqa, eńbekqorlyqqa tárbıeleýde asa mańyzdy. Elordamyz Astananyń tó­rinde jelbirep turǵan baıraǵymyzdy kórgende «shirkin, bizdiń de qalada aspanmen talasqan osyndaı alyp tý ornatylsa ǵoı» dep oılaǵan edim. Búgin osy bir armanymyzǵa qol jetip otyr!», – dep atap ótti qalalyq ardagerler keńesiniń múshesi Sovet Ámirhanov. Týdy saltanatty jaǵdaıda kóterý qurmeti Uly Otan soǵysynyń ardageri, Pavlodar oblysy jáne Pavlodar qalasynyń Qurmetti azamaty Qabdesh Nurkın atamyz ben oblys ákimi Ba­qyt­jan Saǵyntaev jáne oblystyq más­lıhat hatshysy Rınat Gafýrovke buıyrdy. Bul el Táýelsizdiginiń 20 jyl­dyǵyna arnalǵan merekelik sh­a­ra­­lardyń resmı bastaýy dese de bolady. Budan keıin jurtshylyq qalanyń ortalyq alańyna jınaldy. Salta­natty shara jıyrma myńǵa jýyq adam qatysqan merekelik sherýmen bas­talyp, onyń sońy halyqtyq toı-dýmanǵa ulasty. Sondaı-aq pavlo­dar­lyqtar elordamyz Astana qala­syn­da Elbasy Nursultan Nazarbaevtyń qa­tysýymen ótken saltanatty sherýdi tikeleı efır arqyly tamashalady. Kesh­ke deıin sozylǵan merekeleý jergilikti ónerpazdar men qazaqstandyq estrada juldyzdarynyń konsertimen, otshashýmen aıaqtaldy. Danııar JUMADILOV.