Ystambulda "Eýrazııa" týnneli ashyldy. Bul joba sýasty joldarymen Ystambuldyń Eýropa men Azııa bólikterin baılanystyrady. Onyń ashylý saltanatyna Túrkııa prezıdenti Rejep Taıyp Erdoǵan, premer-mınıstr Bınalı Iyldyrym men shet elden kelgen qonaqtar qatysty, dep habarlaıdy Anadolu agenttigi.
Ashylý saltanatynda sóz sóılegen Túrkııa prezıdenti "Eýrazııa" týnneli Ystambuldyń Eýropa men Azııadaǵy bólikterin jalǵaıtynyn aıtty.
"Avtokólik týnneliniń fýndamenti Ystambuldyń Azııadaǵy bóliginde qalanǵan bolatyn. Al ashylý saltanaty Eýropa jerinde ótip jatyr. Bul týnneldiń ashylýy óte mańyzdy oqıǵa", dedi prezıdent.
Rejep Erdoǵannyń aıtýynsha, jyl sońyna deıin týnneldegi jol aqysy 15 túrik lırin quramaq. Eýrazııalyq avtokólik týnneliniń arqasynda Kazlycheshme jáne Goztepe aýdandary men Ystambul arasyndaǵy ýaqyt 90 mınýttan 15 mınýtqa qysqarady.
Bul teńizdiń astynda osyndaı tereńdikte salynǵan alǵashqy týnnel. Qurylys jumystary Bosfor túbinde 106 metr tereńdikte júrgizilgen. Uzyndyǵy 14,6 kılometr bolatyn joldyń 3,4 kılometri teńiz túbinen ótedi. Jobanyń jalpy quny 1,25 mıllıard dollardy quraǵan.
