Djeıkobs: Golovkınniń boıynda «qyryq úsh kúndik» kemdigi bar

WBA tujyrymy boıynsha turaqty álem chempıony Denıel Djeıkobs (32-1, 29 KO) naýryz aıynda Gennadıı Golovkınmen (36-0, 33 KO) óter jekpe-jegi jaıly óz pikirin bildirdi. Bul týraly vesti.kz habarlady. «Bul aıqasta ózimdi jaqsy qyrymnan kórsetemin dep senimdi túrde aıta alamyn. Golovkın myqty boksshy bolǵanmen, boıynda «qyryq úsh kúndik» kemdigi bar. Onyń bárin óz paıdama jarata alamyn. Degenmen, soqqysyn, shama-sharqyn eskergenim jón. Boks bolǵandyqtan munda bári de bolýy múmkin. Gennadııdiń qorǵanysy álsizdeý, al men jyldam qozǵalyp, onyń soqqylarynan sytylyp kete alamyn. Bárin jospar boıynsha oryndasaq, qajetti nátıjege qol jetkize alamyz», – dedi Djeıkobs. «Mansabymdaǵy eń úlken aıqas bolaıyn dep tur. Bul joly anderdog (jeńisten úmiti az sportshy) retinde qatyspaımyn. Buǵan deıin de talaı belesti baǵyndyrǵanmyn, endi aıanyp qalmaspyn», – dedi amerıkalyq boksshy. Aıta keteıik, buǵan deıin Djeıkobs 18 naýryzda qazaqstandyq bylǵary qolǵap sheberiniń búkil belbeýin tartyp alyp, álemdi tań qaldyratynyn aıtqan. Al Golovkın men onyń jattyqtyrýshysy amerıkalyqtyń kúshine shek keltirmeıtinin málimdegen. Degenmen, Abel Sanches Djeıkobstyń jeti raýndtan uzaqqa shydaı alatynyna kúmánmen qaraıtynyn da jasyrmady.