Aqtyq saparǵa shyǵaryp saldy

Qazaqstandaǵy aýyl sharýa­shylyǵy salasyndaǵy alǵashqy ónim óndirýshilerdiń biri, Qazaq­stannyń Eńbek Eri, oblystyń qurmetti azamaty, «Zenchenko ı K» komandıttik seriktestiginiń bas dırektory Gennadıı Zenchenkony qalyń jurtshylyq aqtyq saparǵa shyǵaryp saldy. Marqummen qoshtasýǵa jaqyndary, áriptesteri, qoǵam qaıratkerleri keldi. Qoshtasý rásiminde oblys ákimi Erik Sultanov Elbasy Nursultan Nazarbaevtyń kóńil aıtý jedelhatyn oqyp berdi. Onda «Gennadıı Ivanovıch ómiriniń basym bóligin aýyl sharýashylyǵy salasyna arnady. Eldiń áleýmettik-ekono­mıkalyq damýyna eleýli úles qosty. Ony ylǵı da óziniń adam­gershilik qasıetteri, joǵary kásibı biliktiligi, baı tájirıbesi men óz isin súıe bilý qasıetteri ózgelerden erekshelendirip turatyn. Onyń eńbekteri «Qazaqstannyń Eńbek Eri», ózge de memlekettik nagradalar arqyly baǵalandy. Gennadıı ony tanıtyn adamdardyń esinde árdaıym saqtalady», delingen. Kóńil aıtý jedelhattary Premer-Mınıstr Baqytjan Sa­ǵyn­taev, Parlament Májilisiniń Tór­aǵasy Nurlan Nyǵmatýlın, «Astana EKSPO-2017» Ulttyq kom­­panııasy» AQ-tyń tóraǵasy Ah­metjan Esimov, Aqtóbe obly­synyń ákimi Berdibek Sapar­baev, Qostanaı oblysynyń ákimi Arhımed Muhambetovten keldi. Qaraly mıtıngide Aýyl sha­rýa­­shylyǵy vıse-mınıstri Serik Egizbaev, eńbek ardageri Ja­q­sylyq Ysqaqov, Parlament Má­jilisiniń depýtaty Abaı Tasbo­latov, Qazaqstannyń Eńbek Eri, «Qarqyn» JShS-niń dırektory Saıran Buqanov, Qazaqstannyń Eńbek Eri, «Rodına» agrofırmasy» JShS-niń bas dırektory Ivan Saýer sóılep, qaıǵyǵa ortaqtasty. Gennadıı Ivanovıch sanaly ǵumyrynyń jarty ǵasyryn aýyl sharýashylyǵy salasyna arnady. Onyń 20 jyldan astam ýaqytynda «Zen­chenko jáne K» agroqurylymyn bas­qardy. Kóp jylǵy qajyrly eńbegi eki ret «Otan» ordenimen, «Al­tyn barys» tósbelgisimen atap ótildi. Marqumnyń denesi ózi eńbek etken Novonıkolskoe eldi meke­nindegi zıratqa jerlendi. О́mir ESQALI, «Egemen Qazaqstan» Soltústik Qazaqstan oblysy, Qyzyljar aýdany