Alǵashqy qońyraý syńǵyry

Keshe Prezıdent Nur­sul­tan Nazarbaev Astanadaǵy «Nur Orda» qazaq-túrik lıseıinde bolyp, Bilim kúnine arnalǵan alǵashqy qońyraý saltanatyna qatysty. Osy jerde Elbasy oqýshylar men oqy­tý­shylar quramyn Bilim kúnimen quttyqtap, sóz sóıledi. Qurmetti jastar, oqytýshy­lar, – dep bastady sózin N.Nazarbaev, sizderdi búgingi me­rekemen shyn júrekten quttyq­taı­myn. Bı­ylǵy mereke el Táýel­siz­diginiń 20 jyldy­ǵy­men tuspa-tus kelip otyr. Sizder arqyly eli­miz­diń barlyq ustazdary men oqý­shylaryn da quttyqtaı oty­ryp, jaqsy úlgerimmen sabaq oqyp, bolashaqta Qazaqstannyń naǵyz otan­súı­gish, bilimdi de bilikti azamaty bolýlaryńa tilektespin! Saltanatta Elbasy odan ári qazirgi kezde elimizde 7 400 mek­tep­tiń bar ekenin, onda 2,5 mln. oqýshynyń bilim nárimen sýsyn­dap júr­genin, olarǵa 340 000 muǵalim sabaq beretinin aıtyp, bıyl 10 mekteptiń paıdalanýǵa be­rilgenin, jyl sońyna deıin taǵy 80 mek­tep­tiń ashylatynyn jarııa etti. Kelesi kezekte Prezıdent elimizdegi mektepterdiń ishin­de ózi alǵashqy qońyraý sal­ta­natyna qatysyp otyr­ǵan «Nur Orda» qazaq-túrik lıseıiniń bilim berý júıesine toqtaldy. Lıseı ashyl­ǵan 2007 jyldan beri oqý ordasynyń bilim berý sapasy jyl saıyn jańaryp kele jat­qa­nyn,  qazirgi kúni matematıka, fızıka, hımııa, túrik jáne aǵylshyn tilderi tereńdetilip oqylatynyn, kóp til bilgen adamnyń kóp nár­se­den utatynyn, bolashaqta tek bilimdi adam ǵana básekege qa­bi­let­ti bolatynyn jetkizdi. Saltanatta sóılegen soń, Elbasy 6-sy­nyptaǵy tarıh sabaǵyna jáne 5-synyptaǵy el Táýelsizdiginiń 20 jyldyǵyna arnalǵan ashyq sa­baqqa qatysty. Jalpy, «Nur Orda» lıseıinde oqý úrdisi memlekettik jalpy mindetti jáne halyq­ara­lyq ta­lap­qa saı júrgiziledi. Lıseıde 1-2-synyptarda logıka, shahmat, matematıka, 3-synyptan bastap ınformatıka, 5-synyptan túrik jáne 9-synyptan qytaı tili oqy­tylsa, 8-synyptan jaratylysta­ný-matematıka baǵy­ty boıynsha pánder aǵylshyn tilinde tereń­de­ti­le oqytylady. Sondaı-aq «О́ziń­di-óziń taný» pánin oqytýǵa erekshe nazar aýdarylady. Oqýshylardyń sabaqtan tys bos ýaqyt­taryn tıimdi ótkizýleri úshin fýtbol, basketbol, voleıbol, toǵyzqumalaq, taekvondo, bı, hor, qolóner, dombyra, ólke­ta­ný, KTK úıirme­leri men sek­sııa­lary uıymdasty­ryl­ǵan. Byl­tyrǵy oqý jylynda lıseıde 772 oqýshy bilim alypty. Lıseı ashyl­ǵannan beri oqýshylar 88 halyqaralyq, respýblıkalyq, qa­la­lyq ǵylymı jobalarǵa qatys­sa, túrli olımpıadalardan da júl­deli oryndarmen oralǵan. Dastan KENJALIN.