Jas urpaqty jańa uıymǵa qabyldady

Keshe Elbasy Nursultan Nazarbaev elordada bıyl ashylǵan №66 mektep-lıseıde bolyp, «Jas qyran» jáne «Jas ulan» biryńǵaı balalar men jasóspirimder uıymynyń alǵashqy múshelerin qabyldaýǵa arnalǵan saltanatty sharaǵa qatysty. Jaratylystaný ǵylymdaryn tereńdetip oqytatyn mektep-lıseı halyqtyń kóz qýanyshyna aınaldy. Bul bilim uıasy Esil aýda­nyna qarasty «Báıterek» mo­nýmenti mańyna ornalasqan. «Altyn HHI» JShS salǵan mektep bıylǵy jyldyń 5 qań­ta­ryn­da Astana qalasy ákimdiginiń qaý­lysymen ashylǵanyn da aıta keteıin. Jobalyq qýaty boıynsha 1200 balany qabyldaı alatyn lıseı aldaǵy ýaqytta óz oqýshylaryn fızıka, matematıka, hımııa jáne bıologııa pán­de­rine tereńdetip oqytpaq. Elbasy N.Nazarbaevtyń qatysýymen ót­ken saltanatty shara úzdik oqý­shy­lardy «Jas ulan» biryńǵaı balalar men jasóspirimder uıy­myna alǵashqy músheler qa­byl­daýymen mańyzdy boldy. Memleket basshysy N.Nazarbaev «Nur Otan» HDP-nyń HIII sezinde Qazaqstandaǵy balalar men jasóspirimderge arnalǵan jańa júıe qurý kerektigin aıt­qan. Osyǵan oraı, elimizdegi jastar uıymdary kóshbasshy­lary­nyń bastamasy «Jas ulan» bir­yń­ǵaı balalar men jasós­pi­rim­der uıymy qurylǵan edi. Bul  jańa turpatty jas qazaq­stan­dyq­ty, ulttyń bolashaq elı­ta­syn qalyptastyrýǵa baǵyttalǵan balalar men jasóspirimder uıy­my bolyp tabylady. Bul kúni qala oqýshylary boı­ynsha iriktelgen 150 úzdik oqýshy «Jas qyran» jáne «Jas ulan» uıymynyń múshesi ata­nyp, Prezıdent N.Nazar­baev­tyń qo­ly­nan uıymnyń týyn qabyldap aldy. Bilim kúnimen barsha us­taz­dar men oqýshy­lar­dy quttyqtaǵan Elbasy N.Na­zarbaev, bıyl Qa­zaq­standa oqý­shylarǵa 7441 mektep­tiń esigi ashylady, 2,5 mıllıon bala mektepke barady. 20 jyl ishinde elimiz boıynsha 780 mektep salyndy. 2020 jylǵa deıin ta­ǵy da 513 mektep iske qosy­la­dy. Búldirshinderimizdiń 56 paı­y­­zy balabaqshaǵa baratyn boldy. Jaratylystaný bilimi Qa­zaq­stan­ǵa óte qajet. Ashy­la­tyn ja­ńalyqtar da, ǵylymnyń shyńy da dál osy mamandyq­tar­dan shy­ǵýda. Qandaı mamandyqty tań­da­sańyzdar sol mamandyqtyń shy­ńy­na jetetin bolyńyzdar, dedi. Saltanatty shara aıaqtalǵan soń, Elbasy mektep ǵımaratyn aralady. Prezıdent mekteptiń kireberisinde ornatylǵan elek­tron­dy ótkizý júıesimen tany­syp, synyp bólmesindegi úlken ekrannan oqý fılmin tama­sha­la­dy. Informatıka pániniń muǵa­li­mi men oqýshylar Prezıdentke oqý úderisinde jańa ınnova­sııa­lyq tehnologııalardyń qoldany­lýy jóninde áńgimelep berdi. Sondaı-aq, Memleket basshysy el Táýelsizdiginiń 20 jyldyǵyna arnalǵan 4-synyptyń sabaǵyna qatysty. Bul mektepte 1 men 10- synyptar aralyǵynda 1600 oqýshy oqyp, olarǵa 80 ustaz sabaq beredi. Joǵary jáne birinshi sanattaǵy muǵalimder barlyq oqytýshy quramnyń 55 paıyzyn quraıdy. Oqýshylar men muǵa­limderdiń negizgi bóligi №59 mektep-lıseıinen aýysyp kelgen. Jergilikti bıýdjetten elek­tron­dy qaýipsizdik júıesine  elek­trondy jýrnal, oqýshynyń elektrondy kúndeligi, mektepti ákimshilendirý jáne basqarý boı­ynsha elektrondy málimetter ba­zasyna qarajat bólingen. Mek­teptiń materıaldyq jabdyqta­lýy­na keler bolsaq, oqýshy­lar­dyń qaýipsizdik júıesi, 4 ınformatıka kabıneti, úlken jáne sha­ǵyn 2 sport zaly, fýtbol, voleıbol-basketbol alańdary, oqý za­ly­men qosa kitaphana, 560 oryn­dyq akt zaly, sondaı-aq bı zaly bar. Mektep-lıseıdiń ózge mektepterden basty aıyrma­shy­lyǵy ondaǵy elektrondy qaýip­sizdik júıesiniń ornaty­lýynda. Bul jóninde lıseı dırektory Aıjan Shaıahmetova atalǵan júıe arqyly oqýshy mektepke kirer kezde arnaıy tańbaǵa saýsaǵyn tıgizgende arnaıy qural ashy­lyp, oqýshy ishke kiredi. Sabaq aıaqtalǵan kezde de osy úrdis arqyly mektepten shyǵady, dedi. Juldyz BAIDILDA. ----------------------------------------- Sýretterdi túsirgender S.BONDARENKO, B.OTARBAEV.