Qazaqstan Somalı úshin

«IYU yqpaldastyq qoryna» 500 000 AQSh dollaryn aýdarady Osyǵan deıin óz erkimen moınyna alǵan mindetterge sáıkes, Qazaqstan «IYU yqpaldastyq qoryna» gý­manıtarlyq daǵdarysqa dýshar bolǵan Somalıge kómek retinde 500 000 AQSh dollaryn aýdaratyn bolady. Qazaqstan Respýblıkasy Úkimetiniń tıisti №967 О́kimi 26.08.2011 jyly shyǵarylǵan bolatyn, dep habarlady Syrtqy ister mınıstrliginiń baspasóz qyzmeti. 17 tamyzda Ystambul qalasynda Qazaqstan Res­pýblıkasynyń Syrtqy ister mınıstri Erjan Qazyhanovtyń tóraǵalyǵymen ótken IYU At­qarý­shy komıtetiniń jedel mınıstrler otyrysy Somalıge kómek kórsetý men yqpaldastyqty úılestirýge baǵyttalǵan edi. Jınalys jumysyna Somalı Prezıdenti Sharıf Ahmed, Túrkııa Premer-mınıstri Red­jep Taıyp Erdoǵan, IYU Bas hatshysy Ekmeleddın Ihsanoǵly, mınıstrler jáne basqa da 36 múshe memleketterdiń joǵary mártebeli ókilderi qatysty. «Qazaqstan Islam Yntymaqtastyǵy Uıymy Syrtqy ister mınıstrleri keńesiniń tóraǵasy retinde musylman aǵaıyndarymyzǵa naqty kómek berýmen shektelmeı, Prezıdent N.Nazarbaevtyń maýsym aıynda Astanada aıtqan Uıym sheń­be­rin­degi azyq-túlik qaýipsizdigi júıesin qurý jónin­degi bastamasyn júzege asyrý maqsatynda IYU baǵytyndaǵy áriptesterimen yntymaqtastyqty belsendendire túsýge nıetti, – dep atap ótti óz sózinde E.Qazyhanov. – Jedel is-árekettermen qatar, biz uzaq merzimdi azyq-túlik qaýipsizdigin qamtamasyz etý jaǵyn da qarastyrýymyz qajet dep senemin». Mınıstrdiń aıtýynsha, Somalı úshin qurylyp otyrǵan qor tórt orta merzimdi maqsattarǵa qol jet­kizýge múmkindik ashady, oǵan azyq-túlik qaýip­sizdigi, densaýlyq saqtaý, aýyz sýǵa qolje­tim­dilikti qamtama­syz etý jáne ekonomıkalyq qaıta jandaný kiredi. Qazaqstan Respýblıkasy Úkimetiniń tótenshe jaǵdaılar qorynan bólinip otyrǵan, respýb­lıkalyq bıýdjette 2011 jylǵa Qazaqstan aýma­ǵyn­daǵy jáne shetelderdegi tabıǵı jáne tehnogendi sıpattaǵy tótenshe jaǵdaılarǵa qarasty­ryl­ǵan qarajat Somalıge resmı gýmanıtarlyq kómek retinde «IYU yqpaldastyq qory» esebine aýdarylatyn bolady.