Bıylǵy bilim kúni densaýlyq sabaǵymen bastaldy

Bilim kúni el  mektepterinde, sonyń ishinde Astanada «Den­saý­lyq sabaǵy-2011» ótti. Den­saýlyq sabaǵy elimizdiń jal­py bilim berý oryndarynda al­ǵash­qy ret ótkizilip otyr.   Bul is-sharaǵa erekshe nazar aýda­ryl­dy. Densaýlyq sa­ba­ǵyn Den­saý­lyq saqtaý mınıstrligi uıym­das­tyrdy. Osy kúni Densaýlyq saqtaý mı­nıstrliginiń jaýapty hat­shysy Serikbol Mýsınov Astana qa­la­syn­daǵy №60 mektep-lıseıinde boldy. Jaýapty hat­shy oqý­shy­lar­dy bilim kúnimen quttyqtady. Onymen birge, Astana qalasy den­saýlyq saqtaý basqarmasy bas­ty­ǵy­nyń mindetin atqarýshy Serik Aıaǵa­nov, Salamatty ómir saltyn qa­lyp­tastyrý ortaly­ǵy­nyń dırektory Marat Qurmanov júrdi. «Qazaqstan-2030» uzaq merzimdik strategııasynyń basym baǵyt­tary­nyń biri óskeleń ur­paq­tyń den­saýlyǵy, bilim alýy men ıgilikteri  bolyp tabylady. El halqy­nyń den­saýlyǵyn ny­ǵaı­tý úshin, mektep qa­byrǵasynan bastap sa­lamat­ty ómir salty má­de­nıetin qa­lyp­tastyrý, jat mi­nez-qulyq fak­tor­laryna qar­sy tura alatyndaı ómirlik daǵ­dy­lar­dy boıyna sińirý óte ma­ńyzdy. Mektep oqýshylary arasynda salamatty ómir saltyn nasıhattaý úshin Densaýlyq saqtaý mınıstrligi bastap, Bilim jáne ǵy­lym mınıstrligi, Týrızm jáne sport mınıstrligi, oblystardyń, Astana men Almaty qala­la­ry­nyń ákimdikteri birlesip, res­pýb­lıkanyń barlyq mektepterinde «Densaýlyq saba­ǵy-2011» ót­kiz­ilgenin, ol balalarǵa arnalǵan naǵyz densaýlyq merekesi bol­ǵa­nyn aıta ketýimiz kerek. Qazaqstan Táýelsizdiginiń 20 jyl­dy­ǵy qarsańyndaǵy «Den­saý­lyq sa­ba­ǵy-2011»  salamatty ómir salty má­de­nıetiniń túrli baǵytta­ryn qam­ty­dy. Atap aıt­qanda, belsendi dene qımyly, sportpen aı­nalysý, du­rys ta­maq­taný, zııandy ádetterge qar­sy tura bilý, tur­mysta jáne jol­da júrgende qaýipsizdikti saq­taý, jat minez-qulyqtan arylý, t.b. «Densaýlyǵyńdy kútýge daǵ­dy­lan!»  – bul boıynsha oqý­shy­lardyń árqaısysyn kúndelikti belsendi bolýǵa, salamatty ómir saltyn ustanýǵa, zııandy ádet­terge qarsy tura bilýge, salamat­ty ómir saltynyń daǵdylaryn ıgerýge  shaqyrý kózdelgen. Osy taqyrypta ótken sabaqta mektep oqýshylarynyń barlyǵyna sa­lamat­ty ómir saltynan mol aq­pa­rat alýǵa múmkindik jasaldy. Elimiz boıynsha ótken den­saý­lyq sabaǵyna ataqty sportshylar, jas­tar úlgi tutatyn tulǵalar, sport­­pen jáne dene shy­nyq­tyrý­men júıeli túrde aınalysatyn qoǵam qaı­ratkerleri, densaý­lyq­ty saq­taý men nyǵaıtý isine úles­terin qosqan, salamatty ómir sal­tyn ustanýshy ǵylymı-zertteý ıns­tıtýttarynyń jáne medısı­na­lyq joǵary oqý oryndarynyń  ókil­deri, ózge de azamattar qa­tysty. Súleımen MÁMET.