Úı baǵasy eń arzan qalalardyń tizimi jarııalandy

Qazaqstannyń 2016 jyly turǵyn úı baǵasy eń arzan qalalarynyń ataýlary belgili boldy. Baǵa ındeksteri turaqty qadaǵalanyp otyratyn 10 eldi mekenniń ishinde eń úzdik bestikke oblys ortalyqtary kirdi. Onda ár turǵyn úıdiń sharshy metri 200 myń teńgeden tómen, dep jazady Krisha.kz. Besinshi orynda Oral qalasy tur. Munda jeltoqsan aıynda ortasha usynys sharshy metrine 183 myń teńgeni qurady. Mundaı kórsetkish naryqta turǵyn úı baǵasynyń 12 aıda 21 paıyzdyq tómendeý kórsetkishinen soń qalyptasty.2016 jyldyń qańtar aıynda turǵyn úıdiń 1 sharshy metri ortasha alǵanda 232 400 teńge turǵan bolatyn. Bul qazirgi baǵadan 49 myń teńgege qymbat. Tórtinshi orynda О́skemen qalasy tur. Onda baǵa ındeksi jeltoqsanda sharshy metrine 177 myń teńgege arzandady. ShQO-nyń ákimshilik ortalyǵy bir jyl buryn reıtıngtiń besinshi ornyna turaqtaǵan bolatyn. Bul qalada qańtar aıynda turǵyn úıdiń sharshy metri 26 paıyzǵa jýyq qymbat, ıaǵnı 238 675 teńge bolǵan edi. Petropavl qalasy 3-shi orynǵa turaqtady. Bul qalada turǵyn úıdiń sharshy metri 173 myń teńge turady. Osyǵan deıin bul eldi meken turǵyn úıi eń arzan aımaqtardyń birinen sanalatyn. Qańtar aıymen salystyrǵanda baǵa 23 paıyzǵa nemese 53 myń teńgege arzandady. Ekinshi orynda Taraz qalasy tur. Bul qalada jeltoqsan aıyndaǵy baǵa ındeksi sharshy metrine 161,1 myń teńge boldy. Bul baǵa 30 paıyzdyq tómendeý kórsetkishinen soń qalyptasty. Iаǵnı jyl sońynda turǵyn úıdiń sharshy metriniń kólemi 71 myń teńgege arzandady. Reıtıngtiń kóshin Aqtóbe qalasy bastap tur. Onda usynys ındeksteri 161 myń teńgege teń. Aıta ketetin másele - bul qala osyǵan deıin 3-shi orynda turǵan bolatyn. Alaıda, turǵyn úı naryǵynyń 32 paıyzǵa tómendeýine baılanysty Aqtóbe oblysynyń ákimshilik ortalyǵy óziniń pozısııasyn álsiretti.