Pedagog sheberligin shyńdaýǵa arnaldy

Jaqynda elordadaǵy Prezıdenttik mádenıet ortalyǵynda Astana mektepteriniń muǵalimi jınalyp, tilderdi oqytý jóninde pikir almasty. Oǵan Mádenıet mınıstrligi Til komıtetiniń sarapshysy A.Ma­­hambetova, Eýrazııa Ulttyq ýnı­versıtetiniń orys tili kafe­dra­synyń oqytýshysy N.Qajy­ke­no­va, «Astana daryny» ortaly­ǵy­nyń meńgerýshisi G.Myrza­ǵa­lıe­va qatysty. Qalalyq bilim bas­qar­ma­synyń ádiskeri B.Túl­ki­ba­eva «Astana mektepterinde fı­lolo­gııa­lyq bilimdi jetildirý: bola­sha­ǵy men múmkindikteri» atty taqyrypta oı órbitti. Sonymen qatar, daryndy balalarmen tıimdi jumys isteý týraly elor­dadaǵy qazaq-túrik lıseıiniń mu­ǵalimi B.Saǵıeva óz tujyrym­da­ry­men tanystyrdy. Ol oqytýdyń sapasyn jaqsartýdyń birden-bir joly retinde baqylaý alyp turý­dyń mańyzy zor ekenin, bul UBT-da óz nátıjesin beretinine dálel­di dáıekter keltirdi. Al №62 orta mektep muǵalimi R.Egizbaeva balalar shyǵarmashylyǵyn damytý arqyly pedagogıkalyq sheberlikti shyńdaýǵa bolatynyn óziniń is-tájirıbesimen dáleldep, qoıyl­ǵan suraqtarǵa naqty mysaldar­men jaýap berdi. N.BERIShKEEVA, Astana qalasyndaǵy №56 orta mekteptiń orys tili pániniń muǵalimi.