Dıplom dıplomattan shyqpaıtyn ýaqyt ótti

Talpynsań talabyńa nur jaýar ýaqyt jetti Dıplom dıplomattan shyqpaǵan ýaqyt bolǵan. Bir kezderi úlken ómirdiń joldama­syndaı, baıandy bolashaqtyń bastamasyndaı bolǵan dıplom kóp qujattyń biri retinde jatty. Ekiniń biri, egizdiń syńarynyń qoly jete bermeıtin qundy qujat qundylyǵynan aıryla bastaǵandaı edi. Táýelsizdiktiń eleń-alańynda qos-qostan qatyrma qaǵazy bolsa da, eki qolǵa bir kúrekti qanaǵat etkenderdiń qarasy kóbeıdi. Saýdagerdiń sany artty. Etek-jeńińdi jaba almaı, oń-solyńdy tanı almaı jatqan zamanda mundaı keri qubylystyń bolýy tańqalarlyq emes edi. Degenmen ýaqyt bir ornynda turmaıdy. Alǵa jyljıdy. Damyldamaıdy, damıdy. Myna ómir bizden sabyrdy talap etedi. «Sabyr túbi – sary altyn» ekenin babalarymyz baıaǵyda aıtyp ketken. Bir adamnyń ǵana emes, búkil eldiń sabyry memleketti júrisinen ja­ńyl­dyrmaıdy. Dońǵalaǵyna aǵash tyqpaıdy, qaıta alǵa júrýine kómek qylady. Úlken sa­byr­dyń arqasynda Qazaq eli damýdyń dańǵyl jolyna tústi. Eldiń áleýeti artqan saıyn, jumys kúshiniń de qajettiligi týyndaıdy. Sóı­tip, ekonomıkamyz órkendegen saıyn, jumys­syz­dardyń sany qysqara bastaıdy. Biraq ju­mysqa tájirıbesi mol, kórgen-bilgeni bar bilikti mamandar tartylady. Ol – zańdy da. О́ıt­keni, kadrdyń qadiri artty. «Kadr bárin sheshedi» degen eski támsildi basshylyqqa alǵan mekemeler, tisqaqqan mamandardy pyshaq ústinen taratyp alyp jatty. Al jas maman she? Dıplomyn keshe ǵana alyp, ómirdiń qaınaǵan qazanyna endi kirsek degender shetqaqpaı kórdi. Ár esikti qaǵyp, qansha tabaldyryqty tozdyrǵanymen, jumys tabylmady. Taýdaı talaptary shaǵyla bastady. Kóbisi dıplomyn bir sıpap sandyqqa salyp, basqa kásip izdedi. Osy sátte ǵoı «dıplomnyń quny kók tıyn» degen áńgimeniń aıtyla bastaǵany. Desek te, memleket azamattaryn dalada qaldyrmady. Elbasynyń syndarly saıasatynyń arqasynda «Dıplommen – aýylǵa» bastamasy kóterildi. Onyń qoǵam úshin qan­sha­lyqty qundy ekenin aıtyp jatýdyń ózi basy artyq másele. Biraq el údere qalaǵa kóshkende jastardy aýylǵa jumys isteýge jiberý, so­ny­men qatar, jas mamandarǵa ústemeaqy tólep, baspanamen qamtamasyz etýdiń qanshalyqty saýapty is ekenin árkimniń ishi sezse kerek. Osy bastamanyń aıasynda jumysqa or­nalasqan jas mamannyń biri – Dınara Jálelo­va. Endigi jaıdy Dınaranyń óz aýzymen baıan­daıyq. – Joǵary oqý ornyn bitirip, qolyna dıplom alǵan árbir jas túlektiń basty prob­le­ma­sy jumysqa ornalasý bolsa kerek. О́ıtkeni, is-tájirıbesiniń joqtyǵyn syltaýratyp, jumys­qa qabyldaýdan bas tartatyndar kóp kezdesedi. Jastar úshin osyndaı tolǵandyrarlyq má­se­lege memleket tarapynan nazar aýdarylyp, Elbasymyz N.Á.Nazarbaevtyń tikeleı basshy­lyǵymen ártúrli jobalar, baǵdarlamalar iske asyrylýda. Sonyń bas­tysy, «Dıplommen – aýylǵa» baǵdar­la­masy desek bolady. Bul baǵdarlama boı­yn­sha joǵary oqý or­nyn, kolledjderdi bitirgen jas túlekterge memlekettik qoldaý kór­se­tilýde. Sonyń ar­qa­synda dál qazir kóp­tegen jas kadrlar óz mamandyǵy boıyn­sha jumys istep jatyr. Al ózim 2010 jyly Qorqyt ata atyndaǵy Qyzylorda memlekettik ýnıversıtetin hımııa mamandyǵy boıynsha bitirip keldim. «Dıp­lommen – aýylǵa» baǵdarlamasy boı­yn­sha ózim týyp ósken Qazaly aýdany, Abaı aýylyna kelip, bitirgen mektebime qyzmetke  ornalastym. Maǵan №90 orta mektep bas­shy­lary men tájirıbeli ustazdary qazirgi zamanǵy oqý men tárbıeniń qyr-syryn úıre­tip, pedagogıkalyq sheberlikke tárbıeleýde. «Dıplommen – aýylǵa» baǵdarlamasy boı­yn­sha jumysqa ornalasqannan soń aýdandyq bilim bólimine jáne aýdandyq jumyspen qamtý jáne áleýmettik baǵdarlamalar bó­li­mi­ne qajetti qujattardy ótkizdim. Baǵdar­la­maǵa sáıkes 98 000 teńge kóleminde úste­me­aqymdy aldym. Odan bólek bıyl beriletin qarjylaı qoldaýdy jaqyn kúnderi alamyn dep otyrmyn. Bul baǵdarlama jalǵyz meniń ǵana emes, elimizdegi men sııaqty myńdaǵan jas mamandardyń jumysqa degen yqylasyn arttyrdy. Bastysy, biz memlekettiń bola­sha­ǵy ekenimizdi túsindik. Eldiń keleshegi úshin jumys isteı bermekpiz, deıdi jas maman. Erjan BAITILES, Qyzylorda oblysy.