Keshe Katar ámiri Hamad Ben Halıfa at-Tanıge qastandyq jasaldy. El astanasy Dohada bolǵan osy shabýyldan ol jaraqat alǵan. Saraıyna barar jolda ámir Reseı elshisimen kezdesýi kerek eken. Sol sátte kortejge belgisiz bireý jaqyndap kelip, onyń máshınesine oq jaýdyrǵan.
Shabýyl saldarynan kem degende 8 adam qaza taýypty. Jaralanǵandar sany odan da kóp bolsa kerek. Al at-Tanıdiń jaraqaty qanshalyqty ekeni ázirge belgisiz. Qastandyqtyń sebebi onyń otbasynyń ıeligindegi ataqty «Ál-Jazıra» telearnasynyń qyzmetimen tikeleı baılanystyrylyp otyr. О́ıtkeni, telearna kórsetetin keıbir epızodtar bázbireýlerge unaı bermeıdi.
Damask túbindegi qarýly qaqtyǵys
Sırııa astanasy Damask qalasynyń turǵyndary keshe erteńgisin avıabaza tóńireginde oryn alǵan atys pen qýatty jarylystardy anyq estidi. Tóbede áskerı tikushaqtar qalyqtasa, olar jerge zymyrandar tastaǵan. Qarý demonstranttardy qýyp taratýdan bas tartqan soldattar men ofıserlerge baǵyttalǵan sekildi.
Sońǵy málimetterge qaraǵanda, keıbir áskerıler ortalyq komandovanıeniń baǵynysynan shyǵyp, kóterilisshiler jaǵyna ótip jatqan kórinedi. Biraq Sırııa prezıdenti Bashar Asad jaǵyndaǵy áskerıler de jetkilikti ekeni baıqalady. Máselen, Hama jáne Homs qalalary kóshelerinde brondy tehnıka men úkimet áskerleri qaıta-qaıta boı kórsetip keledi.
Áskerı baza merzimi 49 jylǵa uzartylady
Reseıdiń Tájikstandaǵy áskerı bazasyn ornalastyrý merzimi taǵy 49 jylǵa uzartylatyn boldy. Bul ýaǵdalastyqqa Reseı prezıdenti Dmıtrıı Medvedev pen Tájikstan prezıdenti Emomalı Rahmonnyń kezdesýi kezinde qol jetkizilgen.
Taraptardyń sózderine qaraǵanda, bazany ornalastyrý merzimin uzartý týraly kelisimge 2012 jyldyń alǵashqy toqsanynda qol qoıylmaq. Reseıdiń Tájikstandaǵy áskerı bazasy osy elge ózara kómek týraly kelisimge sáıkes 1993 jyly jiberilip, sodan beri qaldyrylyp kele jatqan 201-shi motoatqyshtar dıvızııasy negizinde 2005 jyly qurylǵan bolatyn.
NATO Úndistanmen yntymaqtaspaqshy
NATO Úndistanǵa zymyranǵa qarsy qorǵanys salasynda yntymaqtasýdy usyndy. NATO ókiliniń aıtýynsha, mundaı yntymaqtastyq alıans elderi men Úndistannyń qaýipsizdigin qamtamasyz etýge kómektesedi.
Tabysty yntymaqtastyq jaǵdaıynda NATO taraby Úndistanǵa qorǵanys tehnologııalarymen de járdemdesýge ýáde berip otyr. Bul jerde Úndistannyń negizgi áriptesi AQSh bolýy tıistigi túsinikti. Al qazirgi kezde Úndistanda orta jáne shaǵyn qashyqtyqtaǵy zymyrandardy joıýǵa qabiletti ǵana tehnologııalar bar.
Jaqtasy men qarsylasy qaqtyǵysty
Egıpettiń eks-prezıdenti Hosnı Múbáraktiń soty qaıta jalǵasty. Sot prosesi jabyq júrýde. Sot ǵımaratynyń aldynda eks-prezıdenttiń jaqtastary men qarsylastary ózara qaqtyǵysyp qaldy. Janjalǵa eki jaqtan ondaǵan adam qatysqan.
Bireýleri «biz seni jalǵyz qaldyrmaımyz!» dep aıqaılasa, ekinshileri «olar bizdiń balalarymyzǵa oq jumsady, sondyqtan tek qana jaza!» dep daýys kótergen. Qazir H.Múbáraktiń densaýlyǵy aýyr kúıinde qalyp otyr. Sondyqtan ony sot ǵımaratyna taqtaı tósekke jatqyzyp ákelgen. Sotqa qatysty aıtatyn bolsaq, keshe áýeli kýálardan jaýap alyndy.
«Rýhnama» mereıtoıy keńinen atalady
Túrkimenstan prezıdenti Gýrbangýly Berdymuhamedov burynǵy el basshysy Saparmurat Nııazov jazǵan «Rýhnama» kitabynyń onjyldyǵyn keń jáne saltanatty túrde atap ótý jóninde tapsyrma berdi. Onyń aıtýynsha, «Rýhnama» túrkimen halqynyń rýhanı kodeksine aınalǵan.
S.Nııazovtyń kitabynda túrkimen halqynyń tarıhy men mańyzy jáne adamgershilik erejeleriniń jıyntyǵy kórinis tapqan. Ol bılik qurǵan kezde eńbekti oqý ár azamat úshin mindetti bolatyn. Burynǵy prezıdent kitabyn jazyp bitken kún – 12 qyrkúıek memlekettik mereke dep jarııalanǵan edi. Sondaı-aq qyrkúıek aıy men aptanyń bir kúni atalǵan kitaptyń atymen atalsa, Ashǵabadta eskertkishi ornatylǵan edi.
Qysqa qaıyryp aıtqanda:
*Iordan ózeniniń batys jaǵalaýyndaǵy evreı qonystanýshylary arabtyń Kýsra eldi mekenindegi meshitti órtep jibergen. Izraıl polısııasy oqıǵany tekserýge kirisse, meshitke Izraıl qorǵanys armııasynyń kúshteri tartyla bastaǵan.
*Ingýshetııa joǵarǵy sotynyń sýdıasy Tagır Ozdoevtyń aýlasyna belgisiz bireý áskerı granata laqtyrǵan. Oqıǵa 5 qyrkúıekke qaraǵan túni oryn alǵan. Jarylystan zardap shekken eshkim joq. Tek aýladaǵy qosymsha qurylystar az-maz qıraǵan.
Eýropanyń Ýkraınadaǵy parlamenttik saılaýdyń qorytyndylaryn moıyndaýy jergilikti bıliktiń eks-premer, oppozısııalyq qozǵalystyń kóshbasshysy Iýlııa Tımoshenkoǵa qatysty ustanymyna tikeleı táýeldi bolady. Bul jóninde EO-nyń Ýkraınadaǵy ókildiginiń basshysy málimdedi.
*Qyrǵyzstannyń Qazaqstanmen shekarasynda Qyrǵyzstannyń eks-prezıdenti Qurmanbek Bakıevtiń nemere inileri ustalǵan. Bakıevtiń týysqandarynyń biri 23 jastaǵy Asylbek, ekinshisi 11 jasar Nursultan Salıevter eken. Qyrǵyzstannyń ulttyq qaýipsizdik komıtetindegiler Asylbektiń shekarada jalǵan qujattar kórsetkenin kóldeneń tartyp otyr.
*Aýǵanstanda joǵalyp ketken GFR-diń eki azamaty óli kúıinde tabyldy. Olardyń múrdelerin taý shatqaldarynyń birinde sol mańnyń turǵyny kóripti. О́limniń neden kelgeni ázirshe belgisiz.
Internet materıaldary negizinde ázirlendi.
