Apta nazary – Azııada

Elimizdiń syrtqy saıasatynda aldaǵy aptada bolatyn shara­lar­­dy dástúrli brıfıngte jýrnalısterge tanystyrǵan Syrtqy ister mınıstrliginiń resmı ókili Asqar Abdrahmanov osy aıdyń 6-sy jáne 7-si kúnderi Pákstan Islam Respýblıkasynyń Premer-mınıstri Saıed Iýsýf Reza Gılanıdiń Qazaqstanǵa resmı sapary bolatynyn habarlady. Astanada ótetin kezdesýler ba­rysynda mártebeli qonaq Qa­zaqstan basshylyǵymen birqatar kelissózder ótkizedi dep kútilýde. Pákstan úkimeti basshysynyń res­mı sapary ekijaqty saıası ún­qatysýdyń jalǵasýyna, saýda-ekonomıkalyq, gýmanıtarlyq qaty­nas­tardyń damýyna jáne búgingi kúngi eki­jaqty jáne kóp­jaqty mańyzdy máse­leler boı­yn­sha ustanymdardy sáıkes­ten­di­rýge múmkindik beredi, degen res­mı ókil 7-9 qyrkúıek ara­ly­ǵynda Syrtqy ister mınıstri Erjan Qazy­hanovtyń Qytaı Halyq Respýb­lı­ka­syna resmı sapary ótetindigin de jetkizdi. Sapar ba­rysynda otandyq syrt­qy saıasat vedomstvosynyń bas­shysy qy­taı­lyq áriptesi Iаn Szechımen jáne Qy­taı basshylary deńgeıindegi je­ke kezdesýler ótkizedi dep kútilýde. Sondaı-aq A.Abdrahmanov 9 qyr­kúıek­te Astanada «Qazaq­stan­daǵy saılaý úderisi: halyq­aralyq saılaý stan­dart­tary men EQYU mindette­me­le­ri­niń turǵy­sy­nan shaqyrýlar men perspektıvalar» atty dóńgelek ústel ót­kiziletinin, onda demokratııalyq saılaý ótkizý qaǵıdattary men sharttary jáne saılaý úderisin jetildirý máseleleri talqylana­tynyn aıtty. 5 qyrkúıek kúni Qazaqstan Res­pýblıkasy Syrtqy ister mı­nıstriniń orynbasary Qaırat Sarybaı Lıvııa­nyń Qazaq­stan­da­ǵy Ýaqytsha senimdi ókili Ahmed Ád-Dıbti qabyldaǵanyn jýrnalıster nazaryna salyp, onyń ba­rysynda Lıvııadaǵy jaǵdaıdyń órbýi jáne О́tpeli ulttyq ke­ńes­tiń ahýaldy turaqtandyrý boı­yn­sha iske asyryp jatqan shara­la­ry áńgime etilgenin jetkizdi. Osy kezdesýde Qaırat Sarybaı Qazaqstan Respýblıkasynyń Lı­vııa­daǵy О́tpeli ulttyq keńesti is basyndaǵy bılik retinde moıyn­daıtynyn málimdegen. Jáne Qa­zaqstannyń IYU Syrtqy ister mınıstrleri keńesiniń tóraǵasy retinde osy uıymnyń qolda bar resýrstaryn Lı­vııadaǵy ahýaldy tez arada retteýge jáne gýmanı­tar­lyq daǵdarysty eńserýge jumyl­dy­rýǵa daıyn ekenin jetkizgen. Anar TО́LEÝHANQYZY.