Elbasynyń bıylǵy saparlary men kezdesýleri
2016 jyly Memleket basshysy saparmen barǵan 21 memlekettiń ishinde AQSh, Japonııa, Reseı, Serbııa, Ońtústik Koreıa, BAÁ, Tájikstan, О́zbekstan, Qatar, Qytaı, Polsha bar. Sonymen qatar, bıyl Nursultan Nazarbaev Sankt-Peterbýrgte Birikken Ulttar Uıymynyń Bas Hatshysy Pan Gı Mýnmen, Brıýsselde Eýropalyq keńestiń tóraǵasy Donald Týskpen, qazan aıynda Islam yntymaqtastyǵy uıymynyń bas hatshysy Iıad ıbn Ámın Madanımen kezdesti. Sonymen qatar, Elbasy bıyl Qazaqstanǵa sheteldik memleketterdiń, úkimetterdiń jáne halyqaralyq uıymdardyń 15 basshysyn qabyldady.
2016 jyly Túrkııa Prezıdenti Redjep Taııp Erdoǵan, Túrkııa premer-mınıstri Ahmet Davýtoglý, Mysyr eliniń Prezıdenti Ábdel Fattah As-Sısı, AQSh energetıka mınıstri Ernest Monız, Iran Islam Respýblıkasynyń Prezıdenti Hasan Rýhanı, Ispanııa syrtqy ister mınıstrliginiń mindetin atqarýshy Hose Manýel Garsııa-Margalo, Serbııa Premer-mınıstri Aleksandr Výchıch saparlap keldi.
Jyl basynan beri jalpy 49 halyqaralyq shara men 81 ekijaqty sapar ótti. Astanadaǵy Táýelsizdik saraıynda Táýelsizdiktiń 25 jyldyǵy qarsańynda uıymdastyrylǵan Respýblıkalyq jastar forýmy aıasynda Memleket basshysy Nursultan Nazarbaev el jastarymen kezdesti. Sonymen qatar sýdıalardyń 7 sezine, Astana ekonomıkalyq forýmyna qatysty. Jalpy, bıyl Nursultan Nazarbaev eldiń barlyq óńirlerin aralady.
Qazaqstan Táýelsizdigine 25 jyl toldy
Bıyl Qazaqstan Respýblıkasynyń táýelsizdik alǵanyna 25 jyl toldy. Táýelsizdiktiń 25 jyldyǵyna arnalǵan deklarasııa qabyldandy. Astanadaǵy «Saryarqa» respýblıkalyq velotreginde Memleket basshysy Nursultan Nazarbaevtyń qatysýymen el Táýelsizdiginiń 25 jyldyǵyna arnalǵan Qazaqstan halqy Assambleıasy etnomádenı birlestikteriniń «Beıbitshilik pen kelisimniń 25 jyly» atty festıvali ótti. EKSPO-qalashyǵynda Táýelsizdiktiń 25 jyldyǵyna arnalǵan monýment ashyldy. Eńbegi sińgen azamattarǵa "Qazaqstan Táýelsizdigine 25 jyl" tósbelgisi tabystaldy. Táýelsizdiktiń 25 jyldyǵyna oraı amnıstııa jarııalandy.
Májilis saılaýy ótti
Naýryz aıynda májilis depýtattarynyń kezekten tys saılaýy ótti. Parlamentke "Nur Otan", "Aq jol", "QKP" partııalarynyń ókilderi ótti. Bul Qazaqstan tarıhyndaǵy jetinshi parlamenttik saılaý edi. Májilis tóraǵasy Nurlan Nyǵmatýllın boldy. Buǵan deıin ol Prezıdent ákimshiliginiń basshysy qyzmetin atqarǵan.
Bıyl mańyzdy aýys-túıister de boldy. Kárim Másimov premer-mınıstrlik qyzmetinen ketip, onyń ornyna Baqytjan Saǵyntaev keldi. Al Másimov Ulttyq qaýipsizdik komıtetine basshy boldy. Imanǵalı Tasmaǵambetov qorǵanys mınıstri qyzmetinen premer-mınıstrdiń orynbasary bolyp taǵaıyndaldy. Premer-mınıstrdiń taǵy bir orynbasary bolyp Asqar Mamın taǵaıyndaldy.
Bıyl QR Qorǵanys jáne aeroǵarysh ónerkásibi mınıstrligi, Din isteri jáne azamattyq qoǵam, Aqparat jáne kommýnıkasııa mınıstrligi quryldy. Atalǵan mınıstrlikterdiń basshylyǵyna Beıbit Atamqulov, Nurlan Ermekbaev, Dáýren Abaev keldi. Qaırat Qojamjarov memlekettik qyzmet jáne sybaılas jemqorlyqqa qarsy is-qımyl agenttigin basqaratyn boldy. Marat Beketaev Ádilet mınıstri, Qanat Bozymbaev Qazaqstannyń energetıka mınıstri, Asqar Myrzahmetov aýyl sharýashylyǵy mınıstri, Jeńis Qasymbek Investısııalar jáne damý mınıstri, Sáken Jasuzaqov QR qorǵanys mınıstri, Erlan Saǵadıev bilim jáne ǵylym mınıstri bolyp taǵaıyndaldy.
Bıyl Ulttyq ekonomıka mınıstri eki ret aýysty: aldymen Kýandyk Bıshımbaev bolsa, keıin bul qyzmetke Tımýr Súleımenov keldi. Nursultan Nazarbaevtyń Jarlyǵymen Qaırat Ábdirahmanov Qazaqstan Respýblıkasy Syrtqy ister mınıstri bolyp taǵaıyndaldy. Buǵan deıin bul qyzmetti atqarǵan Erlan Ydyrysov Ulybrıtanııadaǵy Qazaqstan elshisi qyzmetine aýysty.
Birqatar zańdar qabyldandy
Bıyl jańa jer reformalary boldy. Memleket basshysy Jer kodeksine 2021 jyldyń sońyna deıin túzetýler engizýge moratorıı jarııalady. Sonymen qatar jer reformasyna qatysty respýblıkalyq komıssııa quryldy. Olar bıyl 9 otyrys ótkizdi. Bıyl Eńbek Kodeksi, QR Azamatty prosessýaldy kodeksine, Ekstremızm men errorızmge qarsy zańǵa, tutynýshylar quqyǵyn qorǵaý týraly zańǵa ózgerister engizildi. Raqymshylyq jasaý týraly zań, 2017-2019 jj arnalǵan respýblıkalyq bıýdjet týraly zań, Mindetti áleýmettik medısınalyq saqtandyrý men «Parıj kelisimin ratıfıkasııalaý týraly» zań jobasy qabyldandy.
Aqtóbe men Almatyda terakt boldy
Bıylǵy jyldyń qasiretti oqıǵalarynyń biri osy boldy. 5 maýsym kúni Aqtóbede "Pallada", "Pantera" arý-jaraq dúkenderine, Qazaqstan Ulttyq gvardııasynyń № 6655 áskerı bólimine shabýyl jasaldy. Nursultan Nazarbaevtyń jarlyǵymen 9 maýsym azaly kún dep jarııalandy. Ishki ister mınıstri Qalmuhanbet Qasymov Aqtóbedegi atys kezinde 21 adam qaza bolyp, 6-7 adamǵa izdeý salynǵanyn aıtty. 38 adam jaraqat aldy. 18 shilde Almatyda da terakt boldy. Qqyq qorǵaý organdarynyń 9 qyzmetkeri men 2 beıbit turǵyndy óltirip, taǵy 3 adamnyń ómirin almaq bolǵan Rýslan Kýlekbaev ólim jazasyna kesildi.
Keıbi batyrdyń basy elge qaıtaryldy
Bıyl 6 qazanda Qazaqstanǵa Keıki batyrdyń bas súıegi qaıtaryldy. Vengr ǵalymdary Keıki batyrdyń kelbetin tolyqtaı qalpyna keltirdi. Kelesi jyly ol Qostanaı oblysy Amangeldi aýdanyndaǵy tasty aýylynyń mańynda jerlenedi.
Keıki (Nurmaǵanbet) Kókembaıuly - 1916 jylǵy Torǵaıda bolǵan ult-azattyq kóterilisiniń batyry, ataqty mergen. Orta júz quramyndaǵy Qypshaq taıpasynyń Qulanqypshaq rýynan shyqqan. Ol Reseı patshasynyń 1916 jylǵy maýsym jarlyǵy sebep bolǵan Torǵaı qazaqtarynyń ult-azattyq kóterilisine alǵashqy kúnderinen belsene aralasyp, sol kóterilisti uıymdastyrýshylardyń biri boldy.
О́mirden ótken tulǵalar
Bıyl burynǵy densaýlyq saqtaý mınıstri Salıdat Qaıyrbekova, QR Parlamenti Májilisiniń depýtaty Sergeı Dıachenko, Atyraý oblystyq máslıhatynyń depýtaty Asqar Bopyldyqov (Asqar Tórebaı), tanymal sharýa Genadıı Zenchenko qaıtys boldy. Qazaq eli Qazaqstannyń eńbek sińirgen ártisi Habıba Qaraqbaıqyzy Elebekovamen, belgili jazýshysy, aqyn Áýezhan Qodarmen, Qazaqstannyń belgili ǵalymy, tehnıka ǵylymdarynyń doktory Skanderbek Joldasbekovpen, S. Asfendııarov atyndaǵy Qazaq Ulttyq medısına ýnıversıtetiniń (burynǵy – Almaty memlekettik medısına ınstıtýty) burynǵy rektory Aıqan Aqanovpen, belgili kompozıtor, gıtarashy Bolat Syzdyqovpen, memleket jáne qoǵam qaıratkeri Saǵıdolla Qubashevpen qoshtasty. Qazaqstannyń birinshi demografy, belgili ǵalym Maqash Tátimov, qazaqtyń ataqty palýany Ábilseıit Aıhanov, ánshi, sazger, Qazaqstanǵa eńbek sińirgen mádenıet qyzmetkeri Tursynǵazy Rahımov, belgili akter, Qazaqstannyń eńbek sińirgen mádenıet qaıratkeri jáne Qazaqstannyń eńbek sińirgen ártisi Meńtaı О́tepbergenov, tanymal ádebıettanýshy-folklorıst, fılologııa ǵylymdarynyń doktory Edige Dáriǵululy Tursynov, Qazaqstan Respýblıkasynyń eńbek sińirgen mádenıet qyzmetkeri, belgili jazýshy Nurǵoja Oraz, Belgili ǵalym, tarıhshy, saıasatker, qoǵam qaıratkeri, tarıh ǵylymdarynyń doktory, professor Zardyhan Qınaıatuly da osy jyly dúnıeden ótti.
Daıyndaǵan Gúlnur Qýanyshbekqyzy,
"Egemen Qazaqstan"
