Qańtar aıyna arnalǵan aýa raıy

Sınoptıkter 2017 jyldyń qańtar aıyna arnalǵan aýa raıy boljamyn jarııa etti, - dep habarlaıdy  "Qazgıdromet" RMK. Cınoptıkterdiń málimetinshe, Qyzylorda, Ońtústik Qazaqstan, Jambyl jáne Almaty oblystarynda qańtarda ortasha aýa temperatýrasy saqtalady, al qalǵan aýmaqtarda normadan 1 gradýsqa joǵary bolady. Sondaı-aq, jaýyn-shashynnyń aılyq mólsheri Ońtústik Qazaqstan, Qyzylora jáne Jambyl oblystarynda normada bolatyny, al elimizdiń qalǵan aýmaqtarynda jaýyn-shashynnyń normadan kóp jaýatyny aıtylady. "Atlantıkalyq sıklondardyń áserinen qar jaýyp, sekýndyna 15-20 metrge jetetin boran bolady. Elimizdiń ońtústik aýmaqtarynda tuman men kóktaıǵaq kútiledi. Sondaı-aq, 17-23 qańtar kúnderi jáne aıdyń sońynda aıaz bolady", - delingen habarlamada. Sonymen qatar, aldaǵy boljamǵa sáıkes, 17-23 qańtarda jáne aıdyń sońynda aýa temperatýrasynyń tómendeýi kútiledi. Sınoptıkterdiń málimetinshe, ol kezde elimizdiń soltústik bóliginde túngi ýaqytta 30-35 gradýs aıaz, al kúndiz 20-20 gradýs aıaz; ońtústik aýmaqtarda túngi ýaqytta 20-25 gradýs aıaz, al kúndiz 20-25 gradýs sýyq kútiledi.