Astanada 65 metrlik sholý dóńgelegi salynady

Astanada bıiktigi 65 metrlik sholý dóńgelegi salynyp jatyr. Onyń janynda jalpy aýdany 41780 m2 quraıtyn akvapark paıda bolady. Bul nysandar 2017 jyldyń shilde aıynda paıdalanýǵa berilmek, - dep habarlaıdy elordanyń baspasóz qyzmeti. Qazirgi kezde "Dýman" oıyn-saýyq ortalyǵy ǵımaratynyń bir bóligin qaıta jóndeý jumystary júrgizilip jatyr. Jalpy aýdany 6,3724 ga jerde akvapark pen sholý dóńgelegi ornalaspaq. Attraksıon 32 kabınadan turady, sondaı-aq, aýa baptaý jáne jylytý júıelerimen jabdyqtalady. Bul elorda turǵyndary men qonaqtaryna qalanyń kórkin jyl boıy tamashalaýǵa múmkindik beredi. Sonymen qatar, tórt asa jaıly kabına jasalmaq. Attraksıon táýlik boıy jumys isteıtin bolady. Budan basqa, akvaparktiń ótkizý qabilettiligi jylyna 240-250 myń adamdy quraıdy. Oıyn-saýyq kesheninde sýdaǵy attraksıondar, fýdkort jáne sheshinetin oryndar bolady.