Eýroodaq Sırııa boıynsha Astanadaǵy kelissózderdi qoldaıdy

Eýropalyq odaq alda Astanada ótkeli otyrǵan sırııaishilik kelissózderdi qoldaıdy, dep habarlaıdy «QazAqparat» HAA menshikti tilshisi EO-nyń sheteldik ister jáne qaýipsizdik saıasaty jónindegi Joǵarǵy ókili Federıkı Mogerınıdiń málimdemesine silteme jasap. «Eýropalyq odaq Sırııany jańa bitimgerlikke shaqyrǵandardyń biri boldy. Osy oraıda jańa jyldyń aldynda  atysty toqtatý jónindegi Kelisimge qol jetkizýdi tek qana qoldaý qajet»,-dep jazdy Mogerını. Onyń sózine qaraǵanda, bitimge kelýdi  taraptardyń bári tolyqtaı saqtaýy óte mańyzdy. Eýropalyq dıplomatııa basshysy tynyshtyqty tolyqtaı  saqtaý gýmanıtarlyq kómekti qajet etetinderge jol ashatyndyǵyn atap ótti. «Eger oq atýdy toqtatý jónindegi  Kelisim tabysty oryndalatyn bolsa, onda BUU Qaýipsizdik Keńesi bekitken BUU aıasynda sırııaishilik kelissózdi jalǵastyrýǵa jol ashylar edi»,-dep esepteıdi Federıka Mogerını. «Biz ózge halyqaralyq oıynshylardyń kez kelgen qadamdaryn qoldaımyz.  Mysaly, Astanada ótkizilýi jarııalanǵan kezdesý. Eger ol jan-jaqty jáne BUU aıasynda Jenevada sırııaishilik  kelissózdi tolyqqandy qaıta jalǵastyrýǵa baǵyttalatyn bolsa»,-delingen málimdemede.