«Air Arabia» qosymsha reısteri Astanadan Shardjaǵa ushyp shyqty

«Air Arabia» áýe kompanııasynyń turaqty jáne qosymsha reısteri Astanadan Shardjaǵa ushyp shyqty. Bul týraly Investısııalar jáne damý mınıstrliginiń Indýstrııa jáne týrızm departamenti men jedel shtab ókilderi málim etti. «2017 jyldyń 3 qańtary kúni «Air Arabia» áýe kompanııasynyń qazaqstandyqtar mingen eki reısi de (turaqty jáne qosymsha) Astanadan Shardja qalasyna ushyp shyqty. Ushyrylymynyń toqtatylýyna baılanysty osy ýaqytqa deıin BAÁ-ne jete almaı júrgen 118 jolaýshy qosymsha reıspen ushyp shyqty. «Air Arabia» áýe kompanııasynyń turaqty reısi de Almatydan BAÁ-ne belgilengen keste boıynsha ushyp shyqty»,-delingen habarlamada. Aıta keteıik, osyǵan deıin «Air Arabia» áýe kompanııasynyń Astanadan Shardjaǵa ushatyn reısiniń toqtatylǵany belgili bolǵan edi. 100-den asa jolaýshy elorda áýejaıynan BAÁ-niń astanasyna jete almaı júrgen bolatyn.