OQO-da taý shańǵysy bazasy salynady

Ońtústik Qazaqstan oblysynda taǵy bir iri taý shańǵysy bazasy salynady, dep habarlady "Habar 24" arnasy. Keshen Tólebı aýdanyndaǵy Taý samaly demalys aımaǵynan boı kóteredi. Tyń joba aýdannyń 2017 jylǵa arnalǵan áleýmettik-ekonomıkalyq damý tujyrymdamasyna engen. T «Toǵys taý» shańǵy bazasynyń jalpy uzyndyǵy 8 shaqyrymdy qamtıdy. Shatqaldyń ishinen qanatty jol salynady. Jobanyń quny – 5 mlrd teńge. Ony jeke kásipker óz qarjysyna turǵyzady. Sondaı-aq  tujyrymdamada aýyl sharýashylyǵy, kásipkerlik pen týrızm salasynyń damýy men ondaǵy atqarylatyn sharalar kórsetilgen. «Bastysy, jergilikti halyqty jumyspen qamtýy. Jer máselesin sheshetin bolsaq, endigi jylǵa 400 mln teńgege jol, 300 mln-ǵa elektr energııasy jáne 1 mlrd 300 mln-ǵa sol qanatty jol alýǵa daıyn. Bul endi tek qana taý shańǵysy emes, jyl 12 aı ol jerdiń tabıǵaty óte jaqsy, demalysy bar. Taýly aımaqtar tolyǵymen týrızmdi damytýǵa múmkindik beredi", deıdi Tólebı aýdanynyń ákimi Buqarbaı Parmanov.