96 jasynda páter aldy

Oblys ortalyǵyndaǵy Sývorov kóshesi boıynda ornalas­qan ardagerlerge arnalǵan tur­ǵyn úıge taǵy da bir maıdanger kelip qonystandy. Ol – Irgebaı Jumabekov. Aqsaqaldyń aıtý­yn­sha, úı alýǵa baılanysty ber­gen ótinishine oraı qujat­ta­ry eki aptanyń ishinde qara­lyp­ty. Al, páter kiltin alý úshin qala ákimi Baqytjan Jolama­nov­tyń qabyldaýyna ke­lińiz, – degendi estigende qat­ty tańqa­lypty. Ba­la-shaǵasy, nemere­le­ri­niń orta­syn­da aqar-shaqar ómir súrip jat­qan aq­sa­qal qar­taıǵan sha­ǵyn­da óziniń jeke páteri bola­tynyn oıla­ma­ǵan da shyǵar. Buı­yrǵan ketpeıdi degen osy eken. Iá, Irgebaı ata el táý­el­siz­di­giniń arqa­synda osyn­daı bir jaqsy syı­lyqqa qol jetkizdi. Kenishte jú­rip ken qaz­ǵan qa­jyr­ly eń­be­gi zaıa ketpepti. Sonaý bir jyl­ǵy 41-diń soǵy­synda Taganrog, Dondaǵy Rostov qa­la­laryn qorǵaýǵa qaty­syp, Sta­lıngrad shaıqasynda bol­ǵan kó­rinedi. Soǵys­tan keıingi jyl­da­ry «Maı­qaı­yń altyn» kenishinde qarapaı­ym jumysshy bo­lyp eńbek etipti. Irgebaı aq­saqaldyń elimizdiń Qurmetti metallýrgi degen ata­ǵy da bar. Árıne, balalary óz­derin aıalap ósirgen ákeleriniń jańa páter alǵa­ny­na qýanysh­ty. Sóı­­tip, endi, Irgebaı ata da oblys orta­ly­ǵyn­da, qalada sán­di de jaıly páterde turatyn boldy. Oblys ákimi Baqytjan Saǵyn­taevtyń bastamasymen ja­ńa­dan boı kótergen arnaıy «Ardagerler úıi» atalǵan bul úıde qart kisiler úshin barlyq jaǵ­daı ja­salǵan. Tómengi qa­batta dú­ken, shashtaraz, dári­ger­lik bó­lim­she, basqa da áleýmettik ból­meler qyzmet kórsetedi. Farıda BYQAI, Pavlodar.