«Talas» taıfýny ákelgen apat

Japonııaǵa kelip jetken «Talas» taıfýnynan qurban bolǵan adamdardyń sany 42-ge jetti. Kıodo agenttiginiń habarlaýynsha, 55 adam iz-túzsiz joǵalyp ketkender qatarynda. О́z kezeginde premer-mınıstr Esıhıko Noda tabıǵat apatynan neǵurlym kóp zardap shekken Vakaıama prefektýrasynda boldy. Ol joǵalyp ketkenderdi izdeýge jáne zardap shekkenderdi qutqarýǵa barlyq kúshtiń jumyldyrylatynyna sendirdi. Qazirgi ýaqytta Vakaıama men Nara prefektýralaryndaǵy myń jarymnan astam úı jaryqsyz jáne sýsyz qalyp otyr.   Elshilik aınalasy qorshalýda Egıpet kósemi Hosnı Múbáraktiń ta­ǵy­nan taıdyrylýynan keıin eki el arasyndaǵy qarym-qatynastardyń sal­qyn­daı túsýine baılanysty Kaırdegi Izraıl elshiliginiń aınalasyna dýal turǵyzyla bastady. Eki metrlik beton qorshaý qurylysy osydan eki apta buryn bastaldy, dep habarlaǵan egıpettik resmı adamdar. Resmı nusqa boıynsha qurylys tómengi qabattaǵy turǵyndardy qorǵaý úshin qajet. Ol ereýilshiler men jergilikti turǵyndar arasyndaǵy janjaldy ahýaldardyń aldyn alýǵa qyzmet etetin bolady. Al baqylaýshylar bolsa, Egıpet ókimetiniń maqsaty tómengi qabattaǵy egıpettikterdi emes, ızraıldik dıplomattardy qorǵaý degendi aıtyp otyr. Jalpyulttyq ereýil bastaldy Italııadaǵy eń iri Cgil kásipodaqtary eldiń memlekettik boryshyn qysqartý úshin úkimettiń qatań únem­deý sharalaryna qarsy jalpyulttyq ereýildi bastady. Qarsylyq aksııalary búkil el boıynsha ótýde. Italııalyq buqaralyq aqparat quraldary ereýildiń «júregi» Rım qalasynda dep habarlaýda. Basqa qalalardaǵy sııaqty el astanasynda da qoǵamdyq kólik pen taksı qozǵalysy shekteldi, halyqaralyq áýe reısteri toqtatylýda nemese keıinge qaldyrylýda, memlekettik mekemeler jabylýda. Ereýil 8 saǵatqa jalǵasatyn bolady. Tehastaǵy alapat orman órti Amerıkanyń Tehas shtatynda or­man órti sal­darynan 500-ge jýyq turǵyn úı órtenip ketti. Polısııa ókilderiniń habarlaýynsha, 5 myńnan astam adam basqa jaqtarǵa kó­shirilgen. Mamandardyń aıtýyna qara­ǵan­da, Tehastyń ortalyq bóligindegi órtten týyndaıtyn qater óte úlken. Búginde shtat aýmaǵynda 63 órt oty órship tur. Tropıkalyq daýyl týyndatqan qatty jel órttiń keń tarap ketýine áser etýde. Ońtústik Kýrılge qatysty málimdeme Japonııanyń jańa mınıstrler kabıneti Kýrıl araldaryna qatysty óziniń aldyndaǵylardyń ustan­ǵan baǵytyn jalǵastyryp otyr. Máselen, Japonııanyń jańa syrtqy ister mınıstri Koıtıro Gemba Reseıdiń Ońtústik Kýrılge ıelik etýine eshqandaı «zańdy negiz» joq dep málimdegen. Japonııada Ońtústik Kýrıldi ózderiniń «soltústik aýmaǵy» dep biledi. Aıta ketý kerek, 47 jastaǵy Gemba Japonııadaǵy bıleýshi Demokratııalyq partııanyń neǵurlym perspektıvaly qaıratkerleriniń biri bolyp tabylady. Túrkııa Izraılmen jaýlasa ma? Izraıldiń musylman álemindegi burynǵy birden-bir senimdi áriptesi Túrkııa Izraıl elshisin elden shyǵa­ryp, áskerı yntymaqtastyqqa tyıym sa­lyp jáne revolıýsııalyq Egıpetpen áskerı kelisimge baratynyn aıtyp, esikti tars japty. Oǵan Izraıldiń Gazaǵa bara jatqan túrik flotılııasyna shabýyl jasaǵany úshin keshirim jasaýdan bas tartýy sebep bolyp otyr. Is júzinde Ankara óziniń musylman álemimen jaqsy  pozısııasyn joǵaltýdan qorqady, sondyqtan Izraılmen janjaldy saıası quralǵa aınaldyryp otyr, dep jazýda birqatar buqaralyq aqparat quraldary. Sot medısınalyq saraptama nátıjelerimen kelisti Parıj soty eldiń eks-prezıdenti Jak Shıraktyń ishinara jumys qabiletsizdigin moıyndady, sondyqtan onyń isi syrttaı qaralady, dep habarlady Eýronıýs agenttigi. Sot Shıraktyń este saqtaý qabileti nasharlady degen dıagnoz qoıǵan medısınalyq saraptama nátıjelerimen kelisken. Sonyń saldarynan burynǵy prezıdent keıde tipti óziniń syrqat ekenin de umytyp ketip, ótken ómiri týraly qoıylǵan saýaldarǵa jaýap bere almaıtyn kórinedi. 78 jastaǵy saıasatkerge Parıj meri bolyp turǵanda óz partııasyn qarjylandyrý úshin zań buzýshylyqtarǵa bardy degen aıyp taǵylyp otyr. «Katıa» daýylynyń ekpini kúshti AQSh-tyń shyǵys jaǵalaýyna tónip kele jatqan «Katıa» daýylynyń qýaty tórtinshi kategorııaǵa deıin kóterildi, dep habarlaıdy CNN. «Katıa» daýyly týyndatqan jeldiń shap­shańdyǵy sekóntine 60 metrdi quraı­tyn kórinedi. Meteorologtardyń bolja­myn­­sha, daýyl AQSh-tyń shyǵys jaǵalaýy­na jáne Atlantıka araldaryna jetip, ınfraqurylymdarǵa eleýli nuq­san keltirmek. Reseımen renjisýge taǵy bir sebep Grýzııanyń syrtqy ister mınıstrligi Reseı ja­ǵynyń Grýzııanyń Máskeýdegi burynǵy elshiligi ǵı­maratyn aýksıonda satý týraly nıetin halyqaralyq normalardy burmalaý dep baǵalap otyr. Onyń aıtýynsha, Grýzııanyń menshiginde turǵan Máskeýdegi qonaq úıdi Reseı jaǵy 2006 jyly zańsyz túrde menshiktep alǵan. Sondaı-aq Grýzııa syrtqy ister mınıstriniń orynbasary Nıno Kalandadze ózderiniń osy másele boıynsha Reseı syrtqy ister mınıstrligine nota jibergenin, biraq eshqandaı jaýap bolmaǵanyn málimdegen. Internet materıaldary negizinde ázirlendi.