Qazaqstan Qytaıdaǵy iri týrıstik kórmege qatysady

Qazaqstan Gýanchjoýda ótetin GITF týrıstik kórmesine qatysýdy josparlap otyr. Bul týraly QR IDM habarlady. «2017 jyly bastalǵan Qazaqstandaǵy Qytaı týrızmi jyly aıasynda Qazaqstan Respýblıkasy Investısııalar jáne damý mınıstrligi Týrızm ındýstrııasy departamentiniń dırektory Marat Igalıev Qytaıdyń Shenjen aımaǵy (Gýandýn provınsııasy) týroperatorlary qaýymdastyǵynyń basshysy, Shenzhen Top Tour int'l Travel Service kompanııasynyń bas dırektory jáne Shenjen AEA Ishki-saýda palatasy tóraǵasynyń orynbasary Djonson Chenmen kezdesti», - delingen habarlamada. Ońtústik Qytaı Qazaqstanǵa kelýshiler týrızmin damytýda perspektıvaly aımaq bolyp tabylady. О́ıtkeni, Qytaıdaǵy eń  belsendi týrıster eldiń ońtústik aımaǵynyń turǵyndary.  Jyl saıyn Gýanchjoýdyń 2 mıllıonnan astam turǵyny shet elge shyǵady. Aıta keteıik, Qytaı tarapy bizdiń týrkompanııalardy 2017 jyldyń 23-25 aqpanynda Gýanchjoýda ótetin Halyqaralyq GITF týrıstik kórmesine qatysýǵa shaqyrady. Bul aımaq QHR-nyń jyldam damyp kele jatqan jáne baı provınsııasy.  2016 jyly kórmege 29 myń adam qatysty. Onda 23 myń bıznes kezdesýler ótip, kelissózder jasaldy. Sonymen qatar, álemniń 45 eli ózderiniń týrıstik áleýetterin tanystyrdy.