Astanada úsh aı ishinde 3 mln tekshe metr qar shyǵaryldy

Sońǵy jyldary elordanyń klımattyq jaǵdaılary kúrt ózgerip, ádetten tys sýyq aýa raıymen, burqasyndarmen jáne qardyń qalyń túsýimen erekshelendi. Atap aıtqanda, bıyl qalada buryn-sońdy bolmaǵan mólsherde qar jaýdy. Sınoptıkterdiń habarlaýynsha, mundaı qalyń qar elordada sońǵy on jylda jaýmaǵan. 2016 jylǵy 13 qazan men 2017 jylǵy 3 qańtar aralyǵynda qar polıgondaryna 2 mln tekshe metr qar shyǵarylǵan, dep habarlady Astana ákimdiginiń baspasóz qyzmeti. Jalpy, jınalǵan qardyń kólemi 3 mln tekshe metrge jýyqtady. О́tken jyldardyń hronologııasy boıynsha bul kórsetkishter jınalǵan qardyń kóleminen birneshe ese artyq. Buǵan deıin júrgizilgen taldaý kórsetkishi boıynsha, 2014 jyly 3,2 mln tonna, 2015 jyly 3,4 mln tonna, al 2016 jyly 2,9 mln tonna qar shyǵarylǵan. Qazirgi ýaqytta kommýnaldyq jáne jedel qyzmetterdiń barlyq kúshteri qalanyń sanıtarlyq tazartý jumystaryna baǵyttalǵan. Eń aldymen, áleýmettik mańyzy bar mektepter, aýrýhanalar, balabaqshalar, jaıaý júrginshi joldary jáne qoǵamdyq kólik júretin joldar tazartylýda. Turǵyn úılerdiń aýlalary men oramishilik telimderdiń aýmaǵyn jergilikti PIK-ter óz kúshterimen jınaıdy.