WBC, WBA, IBF jáne IBO nusqalary boıynsha orta salmaqta álem chempıony Gennadıı Golovkın amerıkalyq Dennıel Djeıkobsqa qarsy jekpe-jekke daıyndyqty bastap ketti.
Qazaqstandyq boksshy mereke kúnderin januıasymen qarsy alý úshin 7 jeltoqsannan bastap
demalysta bolǵan. Big Bear jattyǵý lagerine ol 3 qańtar kúni
kelgen bolatyn.
Al onyń qarsylasy demalyssyz daıyndalyp júr. Amerıkalyqqa sparrıng seriktes retinde orta salmaqtaǵy úsh birdeı boksshy kómektesýde. Olar: 28 jastaǵy ýkraın Evgenıı Hıtrov (14-0, 12 KO), 37 jastaǵy grýzın Avtandıl Hýrsıdze (32-2-2, 21 KO) jáne 31 jastaǵy ýkraın Sergeı Derevıanchenko (9-0, 7 KO). Sondaı-aq, ol qosymsha tamaqtaný mamanyn da jaldaǵan, dep habarlady vesti.kz.
Jattyqtyrýshysy Andre Rozeniń aıtýy boıynsha Djeıkobs bul kezdesýge 195 paıyzǵa daıyn.
Golovkın bapkeri Abel Sanchespen (sol jaqta) jáne promoýteri Tom Lefflermen.
«Ýkraına atamandary» klýbynyń burynǵy boksshysy Sergeı Bogachýkpen.
Aıta keteıik, qos boksshynyń arasyndaǵy aıqas 18 naýryz kúni AQSh-tyń Nıý-Iork qalasyndaǵy Madison Square Garden arenasynda ótedi.
