Golovkınniń boks keshinde álem chempıony da judyryqtasady

WBC nusqasy boıynsha jeńil salmaqta álem chempıony nıkaragýalyq Roman «Chokolatıto» Gonsales (46-0, 38 KO) Golovkın men Djeıkobs arasyndaǵy boks keshinde óz kezdesýin ótkizedi. Bul týraly vesti.kz habarlady. Boxrec.com aqparaty boıynsha Gonsalestiń jekpe-jegi bul kúni anderkart retinde ótedi. Nıkaragýalyqtyń qarsylasy ázirge belgisiz. Aldyn ala málimetterge sáıkes, ol Srısaket Sor Rýngvısaı (41-4-1, 38 KO) bolýy múmkin. Bir aıta keterligi Roman Gonsales túrli basylymdar men sarapshylardyń pikirinshe R4R reıtınginde úzdik boksshylardyń biri. Sonymen qatar, osy kúni anderkart retinde ýkraınalyq Aleksandr Ýsık te óziniń aıqasyn ótkizetini habarlanǵan. Esterińizge sala keteıik, WBA (Super), IBO, WBC jáne IBF tujyrymdary boıynsha orta salmaqta álem chempıony Gennadıı Golovkın men WBA tıtýlynyń ıegeri Dennıel Djeıkobs arasyndaǵy jekpe-jek 18 naýryz kúni Nıý-Iork qalasyndaǵy Madison Square Garden arenasynda ótedi.