Adam kapıtaly – eldiń basty baılyǵy

Keshe Astanadaǵy Táýelsizdik saraıynda «Nur Otan» HDP «Qazaqstannyń shetel ınvestorlary keńesi» qaýymdastyǵy jáne «Atameken odaǵy» ulttyq ekonomıkalyq palatasymen birlesip, adam kapıtalyna arnalǵan halyqaralyq konferensııa ótkizdi.   Onyń taqyryby «Táýelsiz­dik­tiń 20 jyly: Qazaqstan Res­pýb­lıkasyndaǵy adam kapıta­ly­nyń sapasy men ony damytý bo­la­shaǵy» dep ataldy. Qazir elimizde Elbasy Nursultan Nazar­baev­tyń tapsyrmasyna sáıkes Qazaqstan ekonomıkasyn damy­ǵan jáne básekege qabiletti elder deń­geıine jetkizýdi maqsat tut­qan keń aýqymdy baǵdarlamalar júzege asyrylyp jatqany belgili. Sonyń ishinde údemeli ın­dýs­trııalyq-ınnovasııalyq baǵdarla­ma boıynsha josparlanǵan 240 myń jańa jumys ornynyń 60 myńy ashyldy. «Bıznestiń jol kartasy-2020» baǵdarlamasy boı­­ynsha 600-den astam shaǵyn jáne orta bıznes kásip­oryn­da­ry­na qoldaý kórsetildi. Ústimiz­degi jyldyń shilde aıynda ju­mys­pen qamtýdyń jańa baǵdar­la­ma­sy iske asyryla bastady. Oǵan bıyldyń ózinde 40 mlrd. teń­ge­deı qarajat bólindi. Osyndaı asa aýqymdy sharalardy iske asyrýda adam kapıtalynyń róli aıryqsha ekeni daýsyz. Prezıdent Nursultan Nazarbaev Sankt-Peterbýrgte bolǵan ha­lyqaralyq ekonomıkalyq forýmda: «Adam kapıtaly – tu­raq­ty ekonomıkalyq damýdyń negizi jáne ınnovasııalardyń basty qozǵaýshy kúshi» degen edi. Son­dyqtan da «Nur Otan» HDP adam kapıtalyn damytý máselelerine qatty kóńil bólip, ony óz qyz­metiniń basym baǵyttarynyń birine aınaldyryp otyr. Konferensııada sóılegen sózinde «Nur Otan» HDP Tóraǵasynyń birinshi orynbasary Nurlan Nyǵmatýlın bul máselege aıryqsha toqtalyp ótti. «Elimizdiń árbir azamaty – Qazaqstannyń basty baılyǵy. Bul – Elbasymyz, «Nur Otan» HDP Tóraǵasy Nursultan Na­zar­baevtyń júrgizip otyrǵan saıasa­ty. Partııamyzdyń Halyq­tyq tu­ǵyrnamasynyń da basty ıdeıasy osy dep aıtýǵa bolady. Sońǵy Par­lament Májilisiniń saılaýy­na túsken kezde bizdiń maqsaty­myz árbir qazaqstandyqtyń ómir sapasyn arttyrý bolatyn. Osy maqsatqa jetý úshin biz kún saıyn eńbek etip, qazirgi ýaqytta naq­ty jetistikterge qol jetkizdik dep aı­týǵa bolady», – dedi Nurlan Zaırollauly. Joǵary tehnologııalyq kásip­oryn­dar men jańa jumys oryn­darynyń ashy­lýy, eńbekaqynyń óse túsýi  táýel­sizdigimizge 20 jyl tolatyn bıylǵy jy­ly ha­lyqtyń turmysyn aıtarlyqtaı jaqsart­ty. Tek sońǵy tórt jyl­dyń ishinde ǵana qazaqstan­dyq­tardyń naq­ty tabysy 80 paıyzǵa ósti. Osy ýaqytta halyqtyń densaýlyǵyn saqtaý men bilim berý salalaryn qarjylandyrý 2 ese artty. Bıýdjetten qarjylan­dy­ry­latyn barlyq qyzmetshilerdiń eńbek­a­qy­sy jáne zeınetaqynyń ortasha mól­sheri eki ese ósti. Konferensııa jumysyna Premer-Mınıstrdiń orynbasary Erbol Oryn­baev, Parlament depýtattary, ortalyq atqarýshy organdar men ulttyq kompa­nııalardyń, bıznes pen kásipodaqtyń, ÚEU, joǵary jáne orta kásibı oqý or­yndarynyń ókilderi, Ulybrıtanııa, AQSh, Germanııa, Gollandııa, Reseı jáne t.b. elderdiń sarapshylary qatysty.  О́z­deriniń sózderinde sheteldik sarap­shy­lar Qazaqstannyń táýelsizdik jyl­da­rynda qol jetkizgen tabystary orasan ekenin, sonyń ishinde ekonomıkalyq jetistikterimen qatar, adam kapıta­ly­nyń baǵasyn túsinýde úlken tabystarǵa qol jetkizgenin atap ótti. Sonyń ishinde reseılik ǵalym Iýrıı Adler Qazaq­stan­nyń adam kapıtaly máselesin kóterip jatqanynyń ózi bolashaǵy zor memleket ekenin kórsetedi, dedi. Brıtanııalyq sarapshy  Stefan Djon bul pikirdi qostaı kelip, Qazaqstannyń Ortalyq Azııadaǵy kóshbasshy el ekendigi daý týǵyzbaıtynyn kóldeneń tartty. Is-shara sheńberinde qazaqstandyq kitaptar kórmesi, «Sheberler aýyly» ult­tyq qolóner sheberhanasy uıymdas­ty­ryldy. Jaqsybaı SAMRAT.