Nıý-Delıde beıbit atom máselesi talqylandy

Ulttyq ıadrolyq ortalyqtyń (UIаO) bas dırektory Erlan Batyrbekov Ońtústik Azııanyń geosaıası máselelerin nazarǵa usynǵan halyqaralyq deńgeıdegi «Jańa baǵyt: túrli pikirler jáne jan-jaqty kózqaras» atty forýmǵa qatysyp keldi. Álemniń 65 elinen 250 ókil kelip qatysqan mańyzdy sharany  Úndistannyń premer-mınıstri Narendra Modı ashyp, júrgizip otyrypty. E.Batyrbekovtiń aıtýyn­sha, forým barysynda eko­no­mıkalyq ıntegrasııa, kópjaq­ty áriptestik, ha­lyq­­ara­­­­lyq jaǵdaıdaǵy óz­ge­ris­ter, aımaqtaǵy qaýip­siz­dik má­­seleleri keńinen tal­qy­lan­ǵan. Erlan Ǵadiletuly «Will Energy Trump Climate?» at­ty pikirsaıysqa qatysyp, Qazaqstan atynan kóptegen oı­laryn ortaǵa salǵan. Debat ba­rysynda aıtylǵandaı, 2016 jyldyń qazan aıynda Qazaqstan tarapynan Parıj ke­lisimsharty bekitilgen. Osy ar­qyly álemdik saıasatta, onyń ishinde ekonomıkalyq saıa­satta Qazaqstan óziniń tó­men kómirtekti damýǵa kóshý ar­qyly álemdik ekonomıkany kómirteksizdendirý jó­nin­degi jahandyq saıasatty us­ta­natynyn málimdegen. – Munyń barlyǵy da­ aldaǵy ýaqytta ótetin EKSPO-­2017-ge tyń daıyn­dyq, Elbasy Nursultan Nazar­bae­v­­­tyń tapsyrmasymen ja­syl energııa kózin damytý, atom­dy beı­bit baǵytta nasıhat­taý barysynda atqarylyp jat­qan sharýlardyń birqatar legi, – deıdi E.Batyrbekov. – Elbasymyz Birikken Arab Ámirlikterinde ótken «Bo­la­shaqtyń energııasy» atty B­ú­kilálemdik sammıtte atom energetıkasynyń ma­ńy­z­- ­­dylyǵyn aıryqsha atap aıt­ty. Beıbit atom qol­da­ný­da Qazaqstan dúnıe jú­zin­de kóshbasshylardyń biri bo­lyp otyr. 2015 jyly MAGATE álemdegi alpaýyt mem­leketterdiń qoldaýymen elimizdiń aýmaǵynda Tómen baıytylǵan ıadrolyq otyn bankin qurý týraly sheshim qabyldady. Muny atom energetıkasyn damytamyn degen memleketterge arnalǵan kó­mek dep te aıtýǵa bolady. Búginde ýrannyń ornyna torııdi qoldaný máselesi de talqylanýda eken. Bul atom salasynyń tıimdiligi jo­ǵary bolýyna yqpal etýi múmkin. Astanada ótetin EKSPO-2017 kórmesinde ha­­lyq nazaryna osy baǵytta at­qarylǵan jetistikter deń­­geıi kórsetilýi múmkin. EKSPO-2017 kórmesi ar­qy­ly álemdik energetıka qaı ba­ǵytta damyp barady, sony aı­qyndaýǵa bolady. Jáne eń iri memleketterdiń qandaı tehnologııalyq kúsh-qýaty bar ekendigi de kórmede nazarǵa usynylmaq. Raýshan NUǴMANBEKOVA, jýrnalıst