«Birlik» saıası partııasynyń ÚNDEÝI

«Birlik» partııasy Memleket basshysy N.Nazarbaevtyń halyqqa arnaǵan Joldaýynda aıtylǵan jańǵyrtý bastamasyn tolyq qoldaıdy. О́ıtkeni, ekonomıkalyq ósimdegi jańa úlgilerdiń qalyptasýy Qazaqstannyń Úshinshi jańǵyrýyndaǵy basty basymdyqtar bolyp tabylady. Elbasymyz óz Joldaýynda bul «jańǵyrtý» – aǵymdaǵy jahandyq máselelermen kúresý jospary emes, «2050» strategııasy maqsattaryn júzege asyrý men Bes ınstıtýttyq reforma aıasynda «100 naqty qadam» Ult josparynyń talaptaryn oryndaı otyryp, bolashaqqa jeteleıtin senimdi kópir bolyp tabylatyndyǵyn atap ótti. Qazaqstannyń ekonomıkalyq ósý qar­qyny men turaqty damýyn qamta­masyz etip, álemdegi damyǵan 30 el­diń qa­taryna enýi úshin Úkimet «Qazaq­stan­nyń ulttyq tehnologııalyq basta­ma­­­lary» – 2025 jylǵa deıingi strate­gııa­­lyq damý josparyn jasaıtyn boldy. Bul Joldaýda barlyq memlekettik organdar men azamattyq qoǵam ınstıtýttarynan ınnovasııany keń aýqymda qoldaý men shıkizatsyz eksport kólemin ulǵaıtýdy, eńbek naryǵyn jańǵyrtýdy, shaǵyn jáne orta bıznes tetikterin keńeıtýdi naqty talap etýdi kúsheıtý kózdeledi. Sondaı-aq, «Birlik» partııasy adamnyń sapalyq áleýetin damytýǵa baılanysty ózekti máselelerdiń Joldaýda aıtylǵanyna erekshe qoldaý bildiredi. Ásirese, bilim berý salasy ekonomıkalyq ósýdiń jańa úlgisi retinde basty nazarda turmaq. Al úsh tildi qoǵam negiziniń qalyptasýynda memlekettik tildiń damý deńgeıi jańa qarqyn alady dep kútilýde. Partııa keńesiniń qorytyndysynda «Birlik» partııasy Qazaqstan halqy men qazaqstandyqtardy Memleket bas­shysynyń Joldaýyn tolyq qoldaýǵa jáne onyń júzege asyrýda belsendi bo­lýǵa shaqyrady. «Birlik» saıası partııasy